luns, 18 de outubro de 2021

ENKI-EQUIPO EMILIA SUBMARIÑA



EQUIPO EMILIA SUBMARIÑA!

Xa queda pouco para a carreira máis divertida e solidaria de Galicia.

A cita será o sábado 23 de outubro en horario de 16:00 a 19:30.

O noso equipo “EMILIA SUBMARIÑA” levará como distintivo unha pañoleta laranxa, pero como somos un grupo moi animado disfrazarémonos de calquera cousa que teña que ver coa fauna mariña.

O punto de encontro será a Praza de María Pita e faremos un percorrido de 2,46 Km.



Poderedes recoller os vosos dorsais o xoves e o venres no Corte Inglés de  Ramon e Cajal nas franxas horarias que elixades nas instrucións que vos mandaron ao adquirir os dorsais.

Selecciona mediante esta ligazón o horario que máis te conveña: https://forms.gle/hjNqtTczHzZWJKph8



Lembrarvos que o uso da máscara que cubra nariz e boca será obrigatorio durante todo o evento. Os menores de 6 anos están exentos así como as persoas que teñan un xustificante que lles exima da súa utilización.

É de obrigado cumprimento a presentación do certificado de vacinación / pasaporte  covid ( CDD-UE, ou o seu equivalente) acreditativo de pauta completa de vacinación. No caso de non telo, un test de  antíxenos ou  PCR con resultado negativo cunha antelación máxima de 48 horas á carreira oficial.
Os nenos menores de 12 ano están exentos de vacunación ou PCR.
Podedes presentalo na recollida do dorsal ou de forma online en: https://forms.gle/VNFPcaSru2DerN9D9. Se tedes máis preguntas non dudes en contactar con ENKI. ¡Escribide  a info@enkiproyecto.com  é vos responderán  o antes posible!

VÉMONOS O SÁBADO!!



domingo, 17 de outubro de 2021

CONCENTRACIÓN 26 DE OUTUBRO

DEREITOS, NON PARCHES

O 29 de setembro, familias de varios centros da Coruña e comarca inzamos as nosas escolas para denunciar a situación na que nos puxo un ano máis a Consellería de Educación ao non dotar do persoal que precisamos para que todo o alumnado con Necesidades Específicas de Apoio Educativo estean atendidas como precisan:.

- No CEIP Valle Inclán de Oleiros cómpre unha persoa de Pedagoxía Terapéutica e mais media xornada de Audición e Linguaxe.

- No CEIP Vila de Rutis e no CEIP Labaca están sen a especialista de Pedagoxía Terapéutica que lles corresponde por catálogo.

- No CEIP Ría do Burgo precisan que a especialista de Audición e Linguaxe volva estar a xornada completa e que se incorpore unha Pedagoga Terapéutica para cubrir as novas necesidades.

- No CEIP A Rabadeira reduciuse unha especialista de Pedagoxía Terapéutica.

Este curso, ademais, varios centros comezaron o curso sen poder ofrecer especialistas de materia e mesmo profesorado titor para todo o seu alumnado, carencia que, ao saturar de traballo ao profesorado que asume esa carga, repercute de novo negativamente na calidade de atención a todo ao alumnado, pero especialmente daquel que máis precisa:

- No CEIP Ramón de la Sagra non teñen persoa titora para un curso.

- No CEIP Emilia Pardo Bazán non hai especialista de Educación Física con horas dispoñibles para atender a todos os cursos.

- No CEIP Sanjurjo de Carricarte falta docente especialista de Lingua Inglesa.

- No CEIP Sagrada Familia non hai especialista de Música con horas dispoñibles.

Eses son só, decerto, algúns dos casos que se están dando neste inicio de curso: os que sabemos que xa foron denunciados e seguen se obter nin resposta nin solución.

Por iso pregámosvos que vos unades á concentración que celebraremos o día 25 de outubro, ás 11.00 da mañá, diante do edificio administrativo de Monelos na Coruña, para que sexa imposible non escoitar e atender ás demandas destes e de todos os centros: poder ofrecer a todo o seu alumnado a educación á que ten dereito.


sábado, 9 de outubro de 2021

MERENDAS SAUDABLES

Comprometidos coa saúde!
Aquí vos deixamos  o plan de merendas que se marca para educación infantil, para que se afagan a comer de todo e sempre é máis fácil se ven aos seus compañeiros.
En primaria é libre pero sempre pode servir de referencia


venres, 8 de outubro de 2021

DÍA MUNDIAL DA SAUDE MENTAL

Para dar visibilidade ao tema da saúde mental, a Fundación Salma, organizou na chaira que hai detrás do aparcamento da Torre de Hércules unha exhibición de voo de cometas.

As familias que queiran, poderán participar coas súas propias cometas. A Fundación Salma tamén distribuirá algunhas e terá unha mesa-taller onde os máis pequenos poderán elaborar as súas propias.

O acto terá lugar de 12:30 a 14:00 h, e estará amenizado polo gaiteiro Santiago Lage.
Convídannos a compartir unha xornada agradable en compañía, e a manifestar, coa súa presenza, a necesidade de mellorar o estado en que se atopa a saúde mental na nosa Comunidade, especialmente no sector de infanto-xuvenil. 



 

xoves, 7 de outubro de 2021

MERGÚLLATE



O Proxecto Documental Integrado (PDI) deste ano  do noso cole, se chama "Mergúllate!".

Estará adicado á investigación sobre diversos aspectos sobre os mares e océanos. Terán especial importancia os Obxectivos de Desenvolvemento Sustentable 2030(ODS2030). O número 14 fai mención directa á vida submarina e á conservación dos mares e océanos e os recursos mariños.Ao longo do curso as nosas crianzas irán coñecendo moitos deles a través de diferentes actividades.

Qué sabemos dos océanos??
Están a buscar unha imaxe ao proxecto para identificar todas as actividades que poidamos facer na colexio. Necesitan das vosas ideas, escollerase o que mellor identifique o tema e os valores de coidado do medio ambiente e respecto pola natureza.
Todas as vosas achegas publicaranse no Blog da biblioteca EPB

Mergulládevos!!


venres, 1 de outubro de 2021

APERTURA BIBLIOTECA EPB

A biblioteca volverá abrir para o alumnado o vindeiro luns 4 de outubro.

Hoxe apareceron nas aulas unhas mochilas vermellas, un misterio da nosa biblioteca ....preguntade a vosas crianzas!!!

Todas as novidades, e como reservar libros  no blogue biblioteca EPB e nas redes sociais



xoves, 30 de setembro de 2021

UN GRAN DIRECTOR

Queridas familias,

Perdemos un dos grandes. 

Deixa un gran legado e unha lembranza imborrable. GRAZAS XOSÉ MANUEL, NOSO ETERNO DIRECTOR. D.E.P.

O despedimos con esta carta que escribiron os seus  compañeiros:



Este curso despedimos como director a alguén que nos regalou compartindo con todos nós, o seu cariño, a súa paciencia e a súa alegría....Este curso 2018/2019, o noso director Xosé Manuel, renuncia ao cargo. Egoístamente sentímolo moito porque a persoa que dirixiu este trasatlántico que é o CEIP Emilia Pardo Bazán deixa a dirección e quedamos un pouco orfos. Gustaríanos que seguira sendo esa luz que con mestría guiounos estés últimos anos. Pero ao mesmo tempo alegrámonos porque agora lonxe das responsabilidades e desgustos da dirección, poderá facer realidade proxectos que seguramente tivo que deixar aparcados no seu momento, é sobre todo, a súa familia poderá gozar da súa presenza sen ter que compartilo con esa moza, sempre existente, que é a dirección dun colexio de máis de 600 alumnos. 


Querido Xosé Manuel, asistiche, primeiro como mestre e logo como director, a implantación de novos métodos pedagóxicos, é novas tecnoloxías, realizando un exercicio constante de innovación, e arrastrando co teu exemplo e axuda, aos máis escépticos e nostálxicos. Ti soubeches ver as novas necesidades, exisencias e imposibilidades da sociedade actual e fuches unha pedra angular no proceso de innovación permanente no que está inmerso o teu colexio, o CEIP Emilia Pardo Bazán.

 




martes, 28 de setembro de 2021

XOVES NEGRO

Dende a AMPA, queremos dar apoio ao movemento do XOVES NEGRO que está facendo a comunidade educativa do noso colexio, polos recortes na ensinanza pública.

Pedimos que levedes ás vosas crianzas vestidas de negro este xoves. Son xestos moi pequenos, pero xuntos podemos conseguir algo moi grande.




RECORTES, NON



Como xa saberedes, o noso colexio vese afectado polos recortes en educación, tocándonos directamente ao non dotarse dun mestre en Educación Física que por catálogo nos corresponde.


Aínda que a directiva do colexio está facendo o imposible para reclamalo, non é suficiente. A nosa cativada está tendo clases de Educación Física porque os mestres do noso colexio decidiron sacrificar ás súas horas, mover ás súas quendas e cubrirse horarios entre eles para que todas as crianzas poidan ter esta clase. A clase de robótica tívose que suspender por este motivo.


Agora é o noso turno, temos que facernos oír. Varias ANPAS de distintos colexios da cidade comezaron movementos de protestas aos cales nos unimos, este mércores día 29. 

PEDIMOS QUE CADA UN DOS VOSOS FILLOS E FILLAS, LEVE UN GLOBO NEGRO OU DE COR CUNHA TIRITA (Representando que esiximos dereitos, non parches) PEGADA, E O ATE NA CANCELA DO COLEXIO, quen non poida, pedimos que o faga na tarde/ noite anterior.

Por favor, fagamos algo para defender a educación dos nosos milnen@s, está nas nosas mans conseguilo!!!!!



xoves, 23 de setembro de 2021

Visita Bárbara Veiga





Estivo de visita no noso centro a xornalista e fotógrafa de nacionalidade brasileira, Bárbara Veiga, para contarlles ao alumnado de sexto de EP a sua loita por causas mediambientais.

Gracias por esta iniciativa a Biblioteca EPB




VIII Carreira ENKI Galicia (sábado 23 de outubro)




VIII Carreira  ENKI Galicia (sábado 23 de outubro)

O profesorado e a ANPA do Emilia Pardo Bazán, anímanvos a participar na VIII Carreira ENKI Galicia.

Terá lugar o vindeiro 23 de outubro en horario de tarde.

Se vos animades, inscribídevos a partir de mañá 24 as 14:00 horas na seguinte ligazón, poñendo como nome do equipo “Emilia Submariña”.
Inscricións Carreira ENKI 2021

Iremos contando máis cousas polo blogue e redes sociais da ANPA.

O Emilia é todo un exemplo de integración e inclusión, así que temos que estar na ENKI. 

ANIMARVOS!!!


martes, 21 de setembro de 2021

LISTADOS ADMITIDOS ACTIVIDADES CENTROS CÍVICOS



Xa saíron as listas de admitidos e a lista de garda das actividades que ofrecen os Centros Cívicos.
Aquí vos deixamos o ligazón para a súa comprobación.

Centro Cívico Os Rosais

Centro Cívico Labañou

Lista de garda Centro Cívico Os Rosais.

Lista de garda Centro Cívico Labañou

Listados restos Centros Cívicos Coruña

Reclamacións Días 22 e 23 de setembro a través do 010 en horario de 11:00 a 13:30h e de 16:00 a 18:00. Prazo de inscricións: Días 24, 27 e 28 setembro.



luns, 20 de setembro de 2021

AVISO ⚠️



Estimadas familias lembrade os seguintes puntos:

-As autorizacións teñen que ser enviadas cun mínimo de 24h ao mail da ANPA, de non ser así, enténdese coma urxencia inmediata e débese comunicar á coordinadora de extraescolares e comedor directamente no seu móbil (637764388).
Mentres as vosas crianzas están en extraescolares e comedor, están baixo a nosa responsabilidade, e tomámonos moi en serio a seguridade dos nosos milnen@s.

-Moi importante é manter as distancias de seguridade, e non formar aglomeracións á hora de deixar ou recoller á cativada. Hai que intentar ser máis áxiles e non quedar na porta do colexio unha vez entregado o alumno.

Para calquera dúbida, consulta ou comentario, coma sempre, estamos á vosa disposición.

APLICACIÓN EMILIA PARDO BAZÁN

Atopamos unha aplicación para pasear pola nosa cidade coa escritora que dá nome ao noso colexio.

Con esta aplicación é posible saír a camiñar pola cidade e atoparse con Emilia Pardo Bazán, e escoitar da súa voz as historias dos lugares máis emblemáticos que marcaron a súa vida e tamén a súa obra.

A aplicación chámase “A Coruña de Emilia Pardo Bazán”

O programa informático está dispoñible para Android e Apple. Funciona coa tecnoloxía de realidade inmersiva, como un sistema GPS que ao abrir a cámara en determinados puntos permítenos coñecer a cidade que ela viviu e que relataba nos seus libros.

 Esperamos que a gocedes!


venres, 17 de setembro de 2021

SÉGUENOS


Lembrámosvos que podedes seguirnos nas redes sociais para estar ao día e non perdervos nada.





BIBLIOTECAEPB



A nosa biblioteca xa está traballando a lume de biqueira!!

Onte 16 de setembro celebrou o nacemento de Emilia Pardo Bazán.

Anímannos a que coñezamos máis sobre a autora dando un paseo pola casa museo Emilia Pardo Bazán


                                              

xoves, 16 de setembro de 2021

BONO COIDADO


Aínda podes beneficiarte do bono coidado!
Coma xa publicamos no mes de agosto, o prazo de solicitude está aberto ata o 30 de setembro.⁣

É unha  axuda que atende as necesidades de conciliación producidas entre o 1 de xaneiro e o 14 de setembro de 2021, de carácter puntual ou durante os períodos de vacacións escolares.⁣

Lembrade que non se teñen en conta os ingresos da unidade familiar, senón a necesidade de conciliación.⁣

Podedes consultar todos os requisitos no seguinte vínculo: https://sede.xunta.gal/detalle-procedemento?codtram=BS412A


O ANPA Milnen@s é noticia


Deixámosvos a ligazón da reportaxe publicada onte na Voz de Galicia cunha entrevista á presidenta do Anpa milnen@s, Eva Louzán.

martes, 14 de setembro de 2021

XORNADA DA BICICLETA

  
ANCAS Galicia convídannos a participar no día da bicicleta que organiza Decathlon. Será na chaira de Riazor, domingo 19 de Setembro ás 11:30 h.

Farase unha marcha non competitiva con saída e chegada na chaira de Riazor, o circuíto estará adaptado a todas as idades, cun circuíto máis curto para os máis pequenos (sobre 1,6 km) e un circuíto un pouco máis longo para os máis maiores (sobre 9 km).

Percorrerase o paseo marítimo da Coruña durante 1 hora e media, despois na mesma chaira, os máis pequenos terán xogos e faremos un sorteo de agasallos entre todos os participantes.

É obrigatorio o uso de casco e seguir as indicacións da organización para participar no evento. Durante todo o percorrido é obrigatorio o uso de máscara e manter a distancia de seguridade co resto de participantes, especialmente durante os reagrupamientos da marcha ciclista. Os nenos que utilicen ruedines deben obrigatoriamente completar o percorrido curto.


É necesario cubrir a inscrición en:

https://experienciadeportiva.decathlon.es/evento/dia-de-la-bicicleta-coruna-id_10618?provincia=Coru%C3%B1a_487

Gozaremos da nosa cidade  nunha contorna segura e pechada ao tráfico.






CARREIRA ENKI.


Proxecto ENKI comeza os preparativos da oitava edición da carreira de obstáculos 2021.

A entidade organizará unha carreira virtual e unha presencial o 23 de outubro.
Próximamente máis información en ENKI e no noso blogue.

TODOS A XOGAR!



luns, 13 de setembro de 2021

AVISO COMEDOR/MADRUGADORES

Darvos o aviso que volve a estar aberto o prazo para novas inscricións para o comedor e madrugadores  a través da aplicación de Jardanay

Recordarvos que debedes cubrir as autorizacións  do comedor na aplicación de Jardanay.



venres, 10 de setembro de 2021

MENÚ COMEDOR


Xa temos o menú do comedor do primeiro trimestre do curso 2021/22.

Podédelo consultar no apartado comedor do noso blogue ou na seguinte ligazón:
Menú primeiro trimestre.




xoves, 9 de setembro de 2021

AVISO IMPORTANTE



Ante as dúbidas que puideron xurdir no primeiro día de madrugadores, comedor e actividades extraescolares, queremos facer chegar uns puntos importantes a ter en conta:

  • Os servizos de madrugadores e comedor, mantéñense cós mesmos horarios e nas mesmas quendas que no ano pasado. 
  • As entradas e saídas a actividades extraescolares, mantéñense nas mesmas localizacións que o ano pasado.
Esta información está detallada no noso blog.


Durante o periodo de adaptación de 4º EI os nenos e nenas inscritos a comedor que necesiten quedarse a comer no colexio, deberán estar as 13h:45 na porta de acceso ao mesmo ( o portalón que está ao final do colexio, ao lado do local da ANPA). 
Para as crianzas de último turno de periodo de adaptación, é o persoal de comedor quen se pasa a recollelos de forma excepcional nas súas aulas e os traslada a comedor.
Unha vez finalizado o periodo de adaptación, o persoal de comedor recollerá a todas as nenas e nenos que se queden a comer no seu horario habitual.

 

Con respecto as autorizacións solicitadas polos responsables de actividades para poder darvos ás vosas crianzas: é imprescindible que teñades estes datos actualizados na aplicación da ANPA:

  • PODERÁN RECOLLER AOS MENORES AS PERSOAS REXISTRADAS NA APLICACIÓN OU MEDIANTE CORREO ELECTRÓNICO Á ANPA CO DNI DA PERSOA QUE O VAI RECOLLER.

  • OS NENOS E NENAS QUE VAIAN A MARCHAR SEN ACOMPAÑANTE DAS ACTIVIDADES, TAMÉN DEBERÁN SER AUTORIZADOS.
En ambos casos, a persoa responsable das vosas crianzas, terá que comprobalo na lista que se lle facilita.
Únicamente en caso de urxencia inmediata, poderase autorizar a outra persoa directamente a través do teléfono da coordinadora de comedor e extraescolares, previa identificación por parte dun dos titores legais.
Entendemos que isto poida supoñer un prexuizo, pero dende a ANPA queremos comunicar que o facemos polo ben da nosa cativada, sempre pensando en salvagardar o seu benestar.

Por último, pedimos desculpas polos erros que cometimos, puidemos cometer, e de seguro cometeremos, os comezos non son doados, pero queremos lembrar que todos remamos nunha mesma dirección: @s nos@s milnen@s.

Un saúdo,
ANPA Milnen@s do CEIP Emilia Pardo Bazán

GRAZAS!!

Dende esta Anpa, queremos agradecer a todas as familias que doaron os seus libros para que outras familias puidesen beneficiarse. 

Grazas á vosa colaboración, conseguimos achegar os libros a case todas as familias que o solicitaron. Os datos resultantes foron os seguintes:

  • Un 70% das familias que o solicitaron tiveron cuberta a súa demanda ao 100%.
  • Un 15% cubriu parcialmente a súa solicitude
A pesar do esforzo non se puido dar cobertura ao 15 % restante.
Os libros máis demandados foron os de 3º de primaria (Valores, Inglés e Sociais), que foron os que non resultaron suficientes para acadar todas as solicitudes. Nos libros de 4º de primaria só quedou sen atender a demanda do libro de Inglés.
Dende esta ANPA, por todo isto só podemos dicir:

GRAZAS!!


mércores, 8 de setembro de 2021

PROXECTO DIXITAL


 O alumnado de 5º de EP traballará este ano por primeira vez con libros dixitais, dentro do proxecto E - Dixgal.

Podedes consultar toda a información na página web do CEIP Emilia Pardo Bazán.

COMENZA O COLE!!

 

Estimadas familias:
O próximo 9 de setembro comeza o curso 2021/22 e tamén as actividades extraescolares e os servizos de comedor e madrugadores.

Recomendamos que a cada neno se lles faga un horario coas actividades as que van a participar para que ao comenzo do curso non haxa erros. Toda a información no apartado de actividades extraescolares  do blog.

Información importante a ter en conta do comedor e madrugadores, pode consultarse no apartado Comedor e madrugadores do blog.

A aplicación de Jardanay volverá estar operativa a partir do día 10 de setembro para solicitar praza en comedor e madrugadores con inicio no mes de outubro.

Para calquera dúbida, suxerencia ou aclaración, estamos á vosa disposición.
Bo inicio de curso!

luns, 6 de setembro de 2021

BECAS COMEDOR ANPA


Bases da convocatoria de 6 axudas de comedor ANPA Milnenos-Jardanay para o curso escolar 2021-2022.

O obxectivo e financiar os gastos de comedor de 6 socios/as da ANPA seleccionados durante todo o curso escolar 2021/2022.

Aquí vos deixamos as BASES


venres, 3 de setembro de 2021

INICIO DO CURSO 2021/22



O curso 2021/22 comenza o vindeiro 9 de setembro.

Na web do colexio está publicado o documento con horarios, normas de organización e funcionamento.

Enlace del documento 

Calendario escolar 


xoves, 2 de setembro de 2021

CENTROS CÍVICOS

Para a vosa información :
Inscrición nas actividades socioculturais dos centros cívicos. Realizarase preferentemente en liña os días 2, 3 e 4 de setembro (xoves, venres e sábado).

O número de teléfono ao que poderán chamar todas aquelas persoas que non teñan acceso a Internet (as preinscricións serán preferentemente en liña) será o 881 150 191 en horario de 10.00 a 14.00 h e de 16.00 a 20.00 h os días 2, 3 e 4 de setembro.






mércores, 1 de setembro de 2021

Información urxente sobre actividades extraescolares

 



Estimadas familias,


Anteriormente a esta comunicación, envióusevos mail informativo e publicáronse no blog da Anpa os prazos para comunicar as baixas das actividades extraescolares, que serán como máximo o 26 de cada mes. Isto é, calqueira actividade que se queira cancelar ten que ser entre o 1 e o 26 de cada mes, ambas as datas incluídas, pois pola contra teremos igualmente que pasar a correspondente cobranza.


Algunhas familias están cancelando actividades extraescolares nestes últimos días, pasado o 26, polo cal cremos que non se debeu entender ben o correo que remitimos, polo que pedimos desculpas.


Con todo, o prazo para cancelar as actividades antes do inicio do curso escolar, e antes de que se pasen os recibos será excepcionalmente (e só este mes) mañá día 1 de setembro ata as 23:59 horas. Tedes ata ese momento para cancelar as suscricións ás actividades extraescolares que non queirades iniciar.


Para calquera dúbida, consulta ou comentario, coma sempre, estamos á vosa disposición.

luns, 23 de agosto de 2021

LISTAXE DEFINITIVA BECAS COMEDOR 2021/22



Bolsa comedor 2021/2022




No Taboleiro de anuncios e Edictos do Concello da Coruña publicouse, con data 20 de agosto, a listaxe de persoas propostas definitivamente como beneficiarias e a puntuación outorgada na convocatoria de bolsa comedor para o curso escolar 2021/2022.

A listaxe publícase por orde alfabética segundo o código do asento. O código do asento é o identificador da solicitude, constituído por unha serie de letras e números (consultar o documento "Nota aclaratoria" ao final desta noticia).

As persoas propostas como beneficiarias deberán aceptar ou renunciar á bolsa. Entenderase que aceptan a bolsa de comedor se, transcorrido o prazo de dez (10) días hábiles, non renunciasen de maneira expresa. Este prazo é do 23 de agosto ao 3 de setembro, ambos os incluídos.


Documentos de interese:


martes, 10 de agosto de 2021

BONO COIDADO XUNTA



Estimadas familias,

Ábrese o prazo para solicitar o bono coidado da Xunta, que axudará ás familias no coidado dos seus fillos, ata 12 anos.

Unha axuda para as familias que por necesidades puntuais derivadas das obrigacións laborais, persoais ou responsabilidades familiares necesiten conciliar.

Pódese solicitar desde o 11 de agosto ata o 30 de setembro do 2021.

sábado, 7 de agosto de 2021

AXUDAS ALUMNADO NECESIDADES ESPECÍFICAS.



Dende o pasado 3 de agosto e ata o 30 de setembro do 2021, pódense solicitar as Axudas para o alumnado con necesidades específicas de apoio.

Todo o proceso de solicitude da bolsa realízase a través da sede electrónica do Ministerio de Educación e Formación Profesional.




xoves, 29 de xullo de 2021

BOLSAS COMEDOR 2021/22



Hoxe 29 de xullo de 2021 publicáronse no enderezo web do taboleiro de anuncios e edictos do Concello da Coruña, os listados provisionais de concesión e denegación das solicitudes da convocatoria de bolsas municipais de comedor para o curso 2021-2022.Pódense consultar en:

-Taboleiro de edictos

https://sede.coruna.gob.es/opensiac/action/infopublica;jsessionid=A7386C97F4239D7765902DD2303CE4A2?method=view&id=13754

- Taboleiros dos centros cívicos municipais

Os listados identificarán as solicitudes atendendo ao código de asento de rexistro da solicitude inicial e ao número de expediente asignado.

O prazo para a presentación das alegacións é de 10 días hábiles, do 30 de xullo ao 12 de agosto, ambos incluídos, e poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora e Franxa), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

luns, 19 de xullo de 2021

Información de prescricións por actividade



Estimadas familias,


No seguinte enlace podedes consultar o ritmo de prescricións que iremos actualizando.




sábado, 3 de xullo de 2021

BOLSAS DO COMEDOR MUNICIPAL 2021/22



Hoxe 02 de xullo de 2021 publicáronse no enderezo web do taboleiro de anuncios e edictos do Concello da Coruña, os listados de requirimento de emenda de documentación das solicitudes da convocatoria de bolsas municipais de comedor para o curso 2021-2022. Pódense consultar en:

- Taboleiro de edictos 
Os listados cos requirimentos de emenda de documentación, identificarán as solicitudes atendendo ao código de asento de rexistro da solicitude inicial e ao número de expediente asignado.

O prazo para a presentación da documentación requirida é do 5 ao 16 de xullo, ambos incluídos, e poderá presentarse, previa cita (010,citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora, Franxa e do CCM Mesoiro), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

O QUE APRENDIMOS




As aulas de 6º de Educación Infantil, 1º, 2º, 5º e 6º de Educación Primaria prepararon uns vídeos nos que presentan o que aprenderon sobre Emilia Pardo Bazán ao longo do curso.

Paga a pena entrar no blog da nosa biblioteca EPB.

Biblioteca EPB






CAMPAÑA DE CAPTACIÓN DE NOVOS SOCIOS.

 Estimadas familias,

Axudádenos a ser máis, queremos facer máis.

Grazas!


venres, 2 de xullo de 2021

Seguimos de celebración

 Despois das novas do premio para o alumnado de 2º de primaria seguimos celebrando no noso cole, esta vez co alumnado de 6º A de primaria, que participaron nun concurso organizado polo grupo de rock vallisoletano "Happening". 

Este grupo promoveu un concurso que consistiu en escribir un conto para unha das cancións do seu disco "Vivan las manos de colores". 

O curso de 6ºA escolleu a canción "Lo importante es intentarlo", e o seu conto "Lukas y las matemáticas", aparece no libro do grupo!



Se pinchades aquí veredes a web do grupo, e o ránking do concurso, co máis que merecido tercer premio de 6ºA do Emilia! 

Ademáis ao final da páxina podedes escoitar e ver todas as cancións do seu disco. 

A disfrutar familias e parabéns!!!


Premio no concurso EMALCSA

O noso cole está de celebración!! O alumnado de 2º de Educación Primaria gañou o terceiro premio nun concurso promovido pola Fundación EMALCSA polo Día Mundial da Auga. 

E cómo? Pois, dentro vídeo!


Noraboa polo traballo tan ben feito!

Se premes aquí tes todas as novas de actualidade do noso centro. 

Saúdos!


luns, 21 de xuño de 2021

Cambio no menú de comedor

Estimadas familias, 

Desde JARDANAY, comunícannos un cambio no menú de comedor para mañá, coa intención de facelo un pouco máis festivo, e nos informan que adaptarán os diferentes menús ás alerxias e intolerancias alimentarias , sendo este o resultante:  


1) Para o alumnado que fai uso do COMEDOR: 

Menú anterior

  • Primeiro prato: espaguetis boloñesa.
  • Segundo prato: tortilla española con ensalada de leituga, millo e olivas.
  • Sobremesa: iogur.

Novo menú

  • Primeiro prato: crema campera.
  • Segundo prato: pizza artesá de xamón e mozzarella.
  • Sobremesa: danonino.


2) Para o alumnado que ten a opción de  JARDANAY NA CASA

Menú anterior:

  • Primeiro prato: patacas á rioxana.
  • Segundo prato: lombo ás finas herbas con champiñóns e xudías.
  • Sobremesa: iogur.

Novo menú:

  • Primeiro prato: crema campera.
  • Segundo prato: filete de polo ás finas herbas con espirais ó vapor.
  • Sobremesa: danonino.


Esperamos que sexa do voso agrado, e que as nenas e nenos o disfruten!!!

Saúdos!

sábado, 19 de xuño de 2021

MATRÍCULA 2021/22

Esta semana ábrese o prazo de formalización da matrícula para as nenas e nenos  que comenzan no colexio.

Farase na secretaría do cole dende o 21 ao 30 de xuño  no horario de 9:00 a 14:00 horas.

http://www.edu.xunta.gal/centros/ceipemiliapardobazancoruna/ 




venres, 11 de xuño de 2021

CAMPACOLES

 Informarvos co prazo para o pago da inscrición nos Campacoles  é do 11 ao 15 de xuño. 

FONDO DE LIBROS

FONDO   SOLIDARIO DE LIBROS DE TEXTO E AXUDAS PARA ADQUISICIÓN DE LIBROS DE TEXTO E MATERIAL ESCOLAR. ED330 B


O prazo para a presentación de solicitudes finaliza o día 22 de xuño de 2021(este incluído).

Lembrade que é tanto para os cursos 3º, 4º, 5º e 6º de primaria como para a ESO.

As nenas e os nenos que comecen  no instituto poden presentar as solicitudes na secretaría do centro en horario de 9:00 a 14:00 ademáis de xeito telemático.

Deixámosvos as ligazóns con toda a información e accesos de presentación de solicitudes.

https://sede.xunta.gal/detalle-procedemento?codtram=ED330B&ano=2021





REVISTA DO EMILIA

 Xa temos a REVISTA 2020/21 do Emilia  Pardo Bazán.

Noraboa polo gran traballo.

Na web do cole podedes vela.

http://www.edu.xunta.gal/centros/ceipemiliapardobazancoruna/



xoves, 3 de xuño de 2021

BIBLIOLAB

   

Convertiuse a BiblioLab nun estudio de radio no que os nenos/as de 5° fixeron varias entrevistas. Previamente prepararan algún corte nos recreos.

Proximamente en Emilia na Onda o resultado 

https://bibliotecaepb.blogspot.com/?m= 

https://www.instagram.com/p/CM449SrDB0h/?utm_source=ig_web_button_share_sheet

https://twitter.com/bibliotecaEPB?s=08


mércores, 2 de xuño de 2021

O ABANO DE EMILIA


 Familias mirade o traballo que fixeron as nosas nenas e os nosos nenos para conmemorar o centenario da morte de Emilia Pardo Bazán.

Está no corredor de entrada do colexio. 

Tedes todos os detalles no blog da biblioteca.

https://bibliotecaepb.blogspot.com/2021/06/o-abano-de-emilia.html?m=1





XORNADAS DE PORTAS ABERTAS DE FÚTBOL E BALONCESTO

Ola familias,

Durante o mes de xuño o Club Deportivo Os Rosales iniciará xornadas de portas abertas nas actividades de fútbol e baloncesto para os alumnos de 6ºde infantil a 6ºde primaria. Este ano para cumprir o protocolo de Covid 19, as nais, pais ou titores legais deberán pedir cita a través do correo cdlosrosalesbaloncesto@gmail.com




xoves, 27 de maio de 2021

CAMPACOLES



Estimadas familias,

Acabou o prazo de inscrición aos Campacoles.

FEDAPAS comunicará ás familias rexistradas a adxudicación de praza.

Para calquera dúbida facilitarvos o contacto da Federación.

CONTACTO:


Federación Provincial ANPAS de centros públicos 


C/ Orzán, 21 - 15001 A Coruña 

Tel. 981 202 002 / 981 201 877 

ocio@fedapascoruna.org 

www.fedapascoruna.org 




venres, 21 de maio de 2021

FONDO SOLIDARIO DE LIBROS

Estimadas familias,

Está aberto o prazo para presentar solicitudes para a participació no fondo solidario de libros de texto e axudas para adquirir libros de texto e material escolar.

https://sede.xunta.gal/detalle-procedemento?codtram=ED330B&ano=2021&numpub=1&lang=es

xoves, 20 de maio de 2021

CAMPACOLES



Ola familias

A Federación Provincial de AMPAS xunto coa Concellería de Educación, organizan un ano máis os CAMPACOLES.

Este ano o noso cole foi centro seleccionado para celebrar un deles.

A prescrición é 24, 25 e 26 de maio.

Publicación de listaxes de admitidas/os: 10 de xuño 

Deixámosvos a ligazón e os teléfonos de información e inscrición.

Coruna.gal/campamentos2021
www.fedapascoruna.org
981202002
649055939
698158503

NOVAS

Estimadas familias,

Os nosos representantes en CONFAPA Galicia, mantiveron unha reunión coa Directora Xeral de Saúde Pública da Consellería de Sanidade, na que se lles comunicou que se vai proceder ao chamamento dos monitores de comedores xestionados polas anpas, para comezar coa súa vacinación, seguindo a listaxe que lles foi enviada pola Federación, froito do traballo conxunto do personal de Fedapas, das empresas e das ANPAS.

CAMPAMENTOS XUNTA 2021



Estimadas familias,

Hoxe abre o prazo para para os campamentos da Xunta de verán 2021.

Están destinados a partir dos nados en 2012 con 9 anos cumpridos e ata os nados en 2003 que non cumprisen 18 antes de finalizar o campamento.

O prazo de inscrición estará aberto ata o 28 de maio do 2021.

Deixámosvos a ligazón con toda a información.

CAMPAMENTOS VERÁN 2021



Estimadas familias,

Temos boas noticias, comunicóusenos que o noso centro será sede dun dos CAMPACOLES este verán.

Hoxe día 20 de maio do 2021 publícase a oferta de campamentos de verán que realiza o concello da
Coruña, entre os que se atopa o que se realizará no noso centro

Manterémosvos informados.

luns, 17 de maio de 2021



Feliz día dás Letras Galegas familias!!

Este ano lembramos á poeta e tradutora Xela Arias, unha voz transgresora e comprometida que renovou a poesía galega.

Deixámosvos a ligazón do videoclip da canción baseada no seu poema Darío a Diario ,versos de amor por Xela ao seu fillo Darío. Proxecto musical da Banda dá Loba.

mércores, 12 de maio de 2021

CAMPAMENTOS XUNTA VERÁN 2021

 



A próxima semana, abre o prazo de inscripción para os campamentos de verán da Xunta, dirixidos a nenas e nenos de 9 a 17 anos de idade.

RECORDATORIO

 


Lembrade que o próximo martes de 18 de maio, festivo elixido polo centro, non haberá actividade lectiva.













LEMBRANZA A EMILIA PARDO BAZÁN



Hoxe 12 de maio lembrouse a Emilia Pardo Bazán no centenario de súa morte.

O acto consistiu nunha lectura colectiva na Real Academia Galega que fixeron nenas e nenos de 6º de Primaria: Lidia, Rocío, Daniel, Sara e Lucía.

¡Noraboa!

Podedes atopar máis información no blogue da biblioteca do colexio bibliotecaepb.blogspot.com

luns, 10 de maio de 2021

Presentación ANPA

Ola familias!


Somos a nova ANPA do CEIP Emilia Pardo Bazán.

Na Asemblea Xeral Extraordinaria que se celebrou o 29 de abril de 2021, votouse unha nova Xunta Directiva, tras a disolución da Xunta anterior.

Con ganas e ilusión aceptamos o reto de comezar a nosa actividade en colaboración con toda a comunidade educativa, da que ademais do equipo de dirección e do profesorado formades parte todas as familias.

Podedes contactarnos a través dos seguintes medios:

 - No noso correo electrónico (medio de contacto preferente): milnenos@gmail.com

 - No nosos Blogue: MILNEN@S(milnenosgalego.blogspot.com)

 - Podedes chamarnos ao número 619335580 en horario: 15:45 -18:45 de luns a venres.
   (Agradécese o contacto telefónico só para urxencias).


A actual Xunta Directiva para os dous próximos cursos 2021/2022 e 2022/2023 está formada polas seguintes persoas socias da ANPA:

  -Presidenta: Eva Louzán Caamaño 

  -Vicepresidenta: Melania Gelato Fandiño 

  -Tesoureiro: José Luis Rodriguez Iglesias 

  -Secretaria: Sonia Seijas Ramos

  -Vogal: María Brión García

  -Vogal: Bibiana Canosa Do Río

  -Vogal: María Casas Mariña

  -Vogal: Estefanía Fernández Piñeiro 

  -Vogal: Nuria García Tajes

  -Vogal: Ana María Martínez Blanco 

  -Vogal: Lidia Monroy Pérez

  -Vogal: Beatriz Tablada Pernas 

  -Vogal: Pilar Perez Sangiao


LEMBRADE: NECESITAMOS O VOSO APOIO! 

Un saúdo ,

AMPA Milnen@s do CEIP Emilia Pardo Bazán

mércores, 21 de abril de 2021

Comunicado de rexeitamento do adianto dos exames de setembro

CONFAPA-GALICIA mantivo este luns unha reunión con representantes da Consellería de Educación da que adxuntamos comunicado que recolle a nosa opinión , avalada por as familias que foron consultadas mediante enquisa cun resultado abraiante en contra do adianto dos exames de setembro ao mes de xuño para o alumnado da ESO e de 1º de bacharelato. Decisión que, a dicir da Consellería, ten a aprobación da xunta de directores e dunha parte dos sindicatos do ensino. Neste comunicado denunciamos unha medida que non ten a aprobación da maior parte da comunidade educativa, as familias, ás que nin siquiera se lles deu a oportunidade de manifestar o seu rexeitamento donde estamos representadas, no Consello Escolar de Galicia, por non ser convocado a tratar un tema de tal profundidade que afecta ao proceso formativo dos fillos e fillas de todos nos.

Ligazón á descarga do comunicado

xoves, 8 de abril de 2021

Convocatoria Asemblea Xeral: xoves 29 de abril de 2021

Remitimos a convocatoria de asemblea xeral extraordinaria e a orde do día, lembrando como sempre a relevancia de asistir para implicarse na ANPA.

DÍA: Xoves 29 de abril do 2021
HORA: 19:00 en primeira convocatoria. 19:15 en segunda convocatoria


A Asemblea será en formato telemático a través da ferramenta Google Meet.
As admisións de solicitudes de conexión á videoconferencia serán entre as 18:50 e as 19:15.
Ligazón á videoconferencia: https://meet.google.com/mek-knti-ano

ORDE DO DÍA:

1.- Aprobación da nova directiva para o período 2021-2023

luns, 5 de abril de 2021

Vacinación de monitores dos Centros escolares

Despois das reclamacións de  FEDAPAS á Consellería de Educación e SERGAS sobre a vacinación dos nosos monitores de comedor  e actividades, a resposta é que non son esenciais nin están entre os colectivos de risco.

Agradecemos difusión máxima deste agravio á escola pública e a esta nova irresponsabilidade das autoridades da Xunta de Galicia que, unha vez máis, ignoran ás Anpas da comunidade e os servizos ESENCIAIS que ofrecen a todas as familias.

Máis información na páxina de  FEDAPAS.

Grazas.

Convocatoria das bolsas municipais de comedor para o curso 2021-2022

O 30 de marzo de 2021 publicáronse no Boletín Oficial da Provincia da Coruña as bases para a convocatoria das bolsas municipais de comedor para o curso 2021-2022.

O prazo para a presentación de solicitudes será do 5 ao 30 de abril, ambos incluídos.

Os impresos facilitaranse nas oficinas dos rexistros municipais e estarán tamén dispoñibles na sede electrónica municipal (https://sede.coruna.gob.es).

A solicitude específica e os anexos, debidamente cubertos e asinados, e o resto de documentación exixida na convocatoria poderá presentarse, previa cita (010, citaprevia.coruna.gal), nos rexistros municipais (Praza de María Pita, Fórum Metropolitano, Centro Ágora, Franxa e do CCM Mesoiro), no rexistro telemático da sede electrónica municipal (https://sede.coruna.gob.es) así como en calquera outro dos previstos no art. 16.4 da Lei 39/2015, do 1 de outubro, do Procedemento Administrativo Común das Administracións Públicas.

Todos os listados (requirimentos de corrección, listas provisionais e definitivas…) identificarán a solicitude do menor atendendo ao código de asento de rexistro da solicitude inicial.

NOTA: Este ano, entre outros requisitos para acceder á bolsa, o/a alumno/a solicitante deberá ter un DNI, NIE ou número de identificación fiscal válido. Naqueles casos que por imposibilidade legal non dispoñan de ningún dos documentos anteriores, poderán presentar unha instancia no rexistro solicitando a cobertura do gasto de comedor con outro recurso, que será valorado polos equipos técnicos especializados

 

mércores, 17 de marzo de 2021

Reclamación da vacinación do persoal non docente nos centros escolares públicos

Coma sempre, os 240 alumnos que asisten a actividades extraescolares e os 300 de comedor non parecen importarlle ás autoridades dentro das súas competencias. 

Agradeceríamos a máxima difusión para defender os nosos dereitos e a seguridade da nosa contorna educativa.

Reclamación á Consellería de Educación 

Descargar o PDF

Contestación da Consellería de Educación

Descargar o PDF

Reclamación á Consellería de Sanidade

Unha vez coñecimos a inclusión  dos traballadores nos Centros Escolares nos procesos de vacinación,  decatámonos con sorpresa, preocupación e tristura que,  unha vez máis, enténdese que o persoal que atende aos nosos fillos e fillas no tempo de xantar e de actividades extraescolares non son considerados "persoal esencial" pola Consellería de Educación. Isto significa que, a diferenza dos Centros concertados no que sí están sendo vacinados  como persoal non docente, os nosos educadores, porque esa é a denominación correcta, non son considerados persoal dos Centros malia estar de forma presencial co alumnado durante catro horas (só unha menos que o profesorado) desenvolvendo un traballo de servizos esenciais como é a atención no comedor, lembremos que con rapaces sen máscara, e nas actividades de tarde que forman parte do seu desenvolvemento motriz, intelectual, de socialización, sen deixar de mencionar a importancia que teñen de cara á facilitación da conciliación laboral das familias.

Se falamos de espazos seguros, non se pode entender que esa seguridade se plantexe exclusivamente no horario de mañá, pois entón non teremos acadado nada.

É por iso que solicitamos  da súa Consellería a inclusión no proceso de vacinación dos educadores de extraescolares e monitores de comedor contratados polas anpas ou as súas federacións, dando así uniformidade á vacinación de persoal non docente, sexa de colexios públicos ou de concertados, e garantindo en todo caso a seguridade das nosas fillas e fillos e a tranquilidade das súas familias.

mércores, 10 de marzo de 2021

Eleccións 2021. Lista definitiva de candidatos

Informarvos que a lista definitiva confirmase sen cambios

  • Ana M. Martínez Blanco
  • Beatriz Taboada Pernas
  • Bibiana Canosa Do Río
  • Estefanía Fernández Piñeiro
  • Eva Louzán Caamaño
  • José Luis Rodríguez Iglesias
  • Lida  Monroy Pérez
  • María Brión García
  • María Casas Mariña
  • Melania  Gelato Fandiño
  • Nuria García Tajes
  • Pilar Pérez Sangiao
  • Sonia  Seija Ramos

luns, 8 de marzo de 2021

Día Internacional da Muller

Aproveitamos que hoxe é o Día Internacional da Muller para ensinarvos unha análise que fixemos do papel das mulleres na educación na contorna da ANPA. Esperamos que vos guste. Grazas a todas!

O papel da muller na educación na ANPA Milnen@s (PDF)

sábado, 6 de marzo de 2021

Eleccións 2021. Lista provisional de candidatos

Unha vez finalizado o prazo de presentación de candidaturas para a renovación da xunta directiva do ANPA, recibimos 13 solicitudes integradas todas na mesma candidatura. Por este motivo, garántese a continuidade do ANPA e non será necesario realizar votación.

A lista provisional é a seguinte:

  • Ana M. Martínez Blanco
  • Beatriz Taboada Pernas
  • Bibiana Canosa Do Río
  • Estefanía Fernández Piñeiro
  • Eva Louzán Caamaño
  • José Luis Rodríguez Iglesias
  • Lida  Monroy Pérez
  • María Brión García
  • María Casas Mariña
  • Melania  Gelato Fandiño
  • Nuria García Tajes
  • Pilar Pérez Sangiao
  • Sonia  Seija Ramos

As datas para o cambio de directiva serán as seguintes:

  • 8 e 9 de marzo: prazo para presentar reclamacións.
  • 10  marzo: publicación da lista definitiva
  • 29 de abril: Asemblea Xeral para a toma de posesión dos cargos a nova directiva

En nome da actual directiva, grazas por darnos a substitución e permitirnos descansar. Grazas tamén a todos os que vos ofrecestes a axudar sen formar parte da directiva. Sen vós, isto non sería posible!

martes, 23 de febreiro de 2021

Ampliación do prazo de presentación de candidaturas

Primeiro grazas a todos os que vos ofrecestes a axudar na nova directiva. Xa hai candidatos suficientes para garantir a continuidade do ANPA dous anos máis!

Por acordo da xunta directiva reunida o 23/02/2021, infórmase que o prazo de presentación de candidaturas amplíase ata o 5 de marzo. Aínda que non é un procedemento habitual, dadas as actuais circunstancias derivadas da alerta sanitaria, decídese por unanimidade ampliar o prazo se con iso conséguese evitar o trámite das votacións presenciais, dado que unha candidatura única permite a súa declaración directa a través dunha asemblea extraordinaria.

O prazo ampliarase ata o 5 de marzo, quedando o resto de datas da seguinte forma:

  • Do 8 de febreiro ao 5 de marzo : prazo de presentación de candidaturas.
  • 6 de marzo: publicación da lista provisional
  • 8 e 9 de marzo: prazo para presentar reclamacións.
  • 10 de marzo: publicación da lista definitiva.
  • Do 10 de marzo ao 2 de abril: campaña electoral (evítase se hai unha única candidatura integrada)
  • O resto de datas sen cambios.

Circular calendario electoral 2021 (en PDF)

Modelo de presentación de candidatura 2021 (en PDF

sábado, 20 de febreiro de 2021

Eleccións á nova directiva

Socios/as!!!

Acábase o prazo para a presentación de candidaturas.

Toda a información tédela nos correos enviados estes últimos meses.

Circular calendario electoral 2021 (en PDF)

domingo, 7 de febreiro de 2021

Apertura de edicións do Curso Básico de Igualdade e Prevención das Violencias Machistas

Dende a Concellería de Igualdade, Benestar Social e Participación do Concello da Coruña informámosche da apertura de novas edicións do curso básico “Igualdade e prevención das violencias machistas” do Pacto Social.
 
Este curso, dirixido ás persoas a título individual e ás empresas e entidades adheridas ao Pacto Social, procura sensibilizar sobre a importancia do papel activo que cada persoa pode desenvolver para a erradicación das violencias machistas na súa contorna. O curso básico ten unha duración de 4 horas, é gratuíto e de modalidade online. Ao finalizar o curso entregarase un diploma.
 
Na actualidade, as datas dispoñibles son as seguintes:
 
Curso básico en modalidade online

  • 5º edición: do 8 ao 28 de febreiro
  • 6º edición:  do 22 de febreiro ao 14 de marzo

Para solicitar a túa inscrición debes cubrir o formulario que atoparás na seguinte ligazón: FORMULARIO DE PRE-INSCRICIÓN

domingo, 31 de xaneiro de 2021

Robótica educativa para todas as idades

Sesión en streaming sobre robótica aducativa, principalmente para pais e familiares de rapazada inqueda que non teñan forma de canalizar esas ganas de aprender. Tamén vale para aquelas persoas que lles chame a atención ou precisen de coñecementos de base tecnolóxica.

O programa e as inscricións na seguinte ligazón:
https://cdtic.xunta.gal/arkitasrobotica

venres, 22 de xaneiro de 2021

Reanúdanse as actividades supendidas

Informámosvos de que, despois de moito traballo loxístico, e falando con todos os implicados, renóvanse a semana que vén as actividades suspendidas, con algúns cambios. Aínda recibimos hoxe venres confirmación do Concello das restricións adicionais que nos impoñen polo uso do pavillón, de aí a demora en avisarvos.

É moi importante que teñades en conta os cambios nas zonas de entrega e recollida que vos indicamos a continuación e que así o comuniquedes aos autorizados e a peques para que non se despisten.


Con respecto ás cotas, descontarásevos a parte proporcional polo día perdido nas actividades afectadas o xoves e venres.

Baloncesto
Seguirase facendo no pavillón, en grupos illados estables de 4 alumnos e con máis monitores para poder cumprir os requisitos de deportes. O único horario afectado será o do venres, no que, debido a que hai 30 alumnos simultáneos, hai que reducir as prazas dispoñibles a 24.
Recibiredes comunicación específica os afectados destes grupos.

Fútbol

Seguirase realizando no pavillón en grupos illados estables de 4 alumnos.

Ximnasia rítmica
Farase no patio cuberto do colexio azul, por iso será necesario que as entregas e recollidas se realicen de forma temporal polos portalóns do colexio azul en lugar do pavillón.

Esgrima
Cámbiase a súa localización tamén ao colexio azul, polo que as recollidas serán no colexio azul en lugar do pavillón.

mércores, 20 de xaneiro de 2021

Suspensión temporal de actividades no pavillón (fútbol, baloncesto e ximnasia rítmica) polas novas restricións

Sentimos comunicarvos que debido ás novas restricións non podemos celebrar as actividades desenvolvidas no pavillón, dado que o Concello non nolo permite. 

As actividades afectadas son fútbol, baloncesto e ximnasia rítmica. 

Esgrima desenvolverase ao aire libre no cuberto, polo que non se suspende. 

Por iso, mañá xoves día 21 esas tres actividades xa non se desenvolverán ata novo aviso. Iremos informando aquí de todas as novidades. 

O resto de actividades non se verán afectadas.