xoves, 23 de decembro de 2021

ACTIVIDADES SOCIOCULTURAIS NOS CENTROS CÍVICOS

ACTIVIDADES SOCIOCULTURAIS

Os días 27, 28 e 29 de decembro abrirase o prazo para a preiscrición de Actividades socioculturais nos centros cívicos da Convocatoria de xaneiro-maio 2022.

A preiscrición realizarase preferentemente en liña na siguente ligazón: Formulario de preiscrición



mércores, 22 de decembro de 2021

RADIO BIBLIO

Xa podemos escoitar  o primeiro episodio do programa de radio do colexio Onda Ti comezando xa a terceira temporada.
Tedes toda a información no blogue da biblioteca .




martes, 21 de decembro de 2021

RECOMENDACIÓNS LECTURA DA BIBLIOTECA EPB

 


A biblioteca do colexio déixanos no seu blogue recomendacións de lectura.

Os libros estarán  á nosa disposición en xaneiro á volta das vacacións, pero  podémolos atopar nas bibliotecas municipais, outras bibliotecas e librerías.

FELIZ LECTURA!

CHOCOLATADA DO NADAL

 Hoxe a AMPA fixo que as as nenas e nenos do Emilia e os seus mestres gozasen dunha chocolatada con churros para rematar o trimestre e dar benvida ás vacacións de Nadal.

Bo nadal familias!







sábado, 18 de decembro de 2021

V Festival Internacional de Cortometrajes de Animación de A Coruña.




O festival que levouse a cabo do 13 o 18 de decembro, e na sección infantil de "CONCURSO DE DISEÑO DE CARTEIS" , tivemos o inmenso orgullo de que dous deses premios de carteis foran para dous dos nosos compañeiros/as de 6º:

-3º premio para David



-1º premio para Carolina.



     NORABOA ARTISTAS!!




martes, 14 de decembro de 2021

PASEANDO CON EMILIA


Proxecto Documental Integrado "Paseando con Emilia" que se desenvolveu durante o curso pasado no noso centro, no que o noso alumnado investigou e procuró información para coñecer á escritora que dá nome ao noso colexio, recibiu un dos premios do VII Concurso de Traballo por Proxectos coordinados oco apoio da biblioteca escolar.


Parabéns a toda a comunidade educativa do CEIP Emilia Pardo Bazán!


sábado, 11 de decembro de 2021

COMPETENCIAS DIXITAIS.



O noso alumnado de 5º de primaria participa este curso no programa DigiCraft da Fundación Vodafone no que participa a Xunta de Galicia que fomenta o traballo das competencias dixitais.

Poderedes  ver a información sobre as actividades realizadas na web do colexio.






luns, 29 de novembro de 2021

CALENDARIO ESCOLAR DEFINITIVO 2021/2022

 Os días escollidos  polo consello  escolar coma non lectivos son o día 7 de decembro e o 16 de maio .

Calendario escolar 




domingo, 28 de novembro de 2021

CAMPAMENTOS NADAL CENTROS CÍVICOS

CAMPAMENTO DE NADAL 




DÍAS: 22, 23, 27, 28, 29, 30 de decembro e 3, 4, 5, 7 de xaneiro

PERSOAS DESTINATARIAS: menores nados entre o 1/1/2009 ao 31/12/ 2017

HORARIO:

➢ Xeneral : de luns a venres de 10.00 a 14.00 h

➢ Ampliado: de luns a venres  de 9.00 a 14.30 h

PREZO POR PARTICIPANTE:

➢ Horario xeral: 26 €.

➢ Horario ampliado: 32 €

CENTROS ONDE SE PODE SOLICITAR O HORARIO AMPLIADO Ou XERAL: Castrillón, San Diego, Mallos, Mesoiro, Monelos, Monte Alto, Rosales, Labañou, Palavea, Ciudad Vella, Eirís, Elviña,  Novoboandanza.

CENTROS ONDE SE PODE SOLICITAR SÓ O HORARIO XERAL: A Silva, Santa Margarita, Feáns, Sacra Familia, Santa Lucía, Pescadores, San Pedro de Visma e Artesáns

PREINSCRICIÓN: 29,30 de novembro e 1 de decembro na web http://www.coruna.gal/servizossociais ou no teléfono 010

SORTEO: 2 de decembro ás 10.30 h en cada centro Cívico

PUBLICACIÓN DE LISTAXES DE  PREINSCRICIONES: 3  decembro en, os centros cívicos,  llamándo ao 010 ou na web municipal

RECLAMACIÓNS: do 4 ao 7 de decembro enviando un e-mail a campamentos@serviplus.org  ou  chamando á 010

PUBLICACIÓN LISTADOS ADMITIDOS E ESPERA: 13 decembro en centros cívicos, 010 ou na web municipal .

PAGO: 14, 15 e 16 de decembro . Varias opcións:

1. A través de transferencia bancaria ao nº de conta ES76 2080 0036 6230 4002 1977  enviando o xustificante de pago a campamentos@serviplus.org co nome, Centro cívico e modalidade horaria.

2. Na páxina web  http://www.coruna.gal/servizossociais achegando  no formulario o  xustificante de pago conforme realizouse a  tranferencia bancaria.

3. Presencial: No Centro cívico de Monelos en horario de 10.00 a 13.30  h e de 17.00 a 20.00 h. 

XESTIÓN LISTA DE ESPERA: A partir do 17 de decembro.

 Información Xeral e Recomendacións

➢ Terán preferencia os menores empadroados no concello da Coruña

➢ reservarase un 20% de prazas para persoas beneficiarias de programas sociais

➢ Cada grupo estará formado por 15 menores e deberá de haber un mínimo de 9 para formar grupo.

➢ Soamente poderase presentar unha preinscrición por menor, en caso contrario anularanse todas

➢ Se ofertarán 15 prazas pola cota de discapacidade para menores con diversidade funcional en grao que non lles impida participar nas actividades co grupo. As prazas de diversidade funcional terán un sorteo propio diferenciado do sorteo da cota xeral.

➢ Para unha correcta atención de menores que soliciten praza pola cota de diversidade funcional, deberase de cubrir unha ficha de coñecemento persoal no momento da preinscrición.

➢ O  monitorado de apoio para menores con diversidade funcional estará capacitado para acometer tarefas hixiénico-sanitarias básicas.

➢ Non formalizar a inscrición en prazo e horario establecido supoñerá a perda de dereito á praza

➢ Unha vez realizado o pago do campamento non se terá dereito á devolución excepto por causas imputables ao prestador do servizo.

➢ Os horarios do campamento ampliado e xeral son de obrigado cumprimento tanto á entrada como á saída.

➢ Na modalidade de horario ampliado, requiriranse mínimo 6 participantes para realizar grupo.

➢ Será obrigatorio o uso de máscara para os maiores de 6 anos e recomendable para os de 4 a 6 anos.

➢ Se una/un menor resulta admitida/ou  e ten irmás ou irmáns co número  correlativo de preinscrición, ben sexa posterior ou anterior, todas/vos obterán praza a condición de que pertenzan ao mesma cota

➢ Levar roupa e calzado cómodo 

➢ Non levar aparellos electrónicos,  videoconsolas, móbiles , cuartos ou obxectos de valor. A organización non se fará responsable da perdas que poidan producirse durante o campamento

➢ É aconsellable que non asistan aos campamentos os e as menores que teñan enfermidades contaxiosas ou que presenten algún dos seguintes síntomas: febre, vómitos, diarrea,  aftas na boca,  chagas, dificultade respiratoria,  conjuntivitis, erupcións, alteracións atípicas na pel ou no caso de ter piollos ou  liendres, ou calquera síntoma relacionado coa COVID-19

CAMPAMENTOS NADAL FEDAPAS



Aquí deixámosvos toda a información do Campamento de Nadal.

SEDES: -CEIP Curros Enríquez

              -CEIP Juan Fernández de La Torre

              -CEIP San Pedro de Visma.


DESTINATARIOS: Alumnado de educación infantil e primaria dos CEIPs públicos do Concello da Coruña.

DATAS: 22,23,27,28,29 e 30 de decembro e 3,4 e 5 de xaneiro.


INSCRICIÓNS: Do 29 de novembro ao 2 de decembro O formulario de inscrición abrirase ou luns 29 de novembro ás 9:30 h   Inscricións


PUBLICACIÓN DE ADMITIDOS: O 10 de decembro na web de FEDAPAS


mércores, 17 de novembro de 2021

CAMPAÑA CASA DOS XOGUETES



O Concello da Coruña, a través da Oficina Municipal de Información ao Consumidor (OMIC), pon un ano máis en marcha a campaña da Casa dos Xoguetes.

Ata o vindeiro 5 de xaneiro os interesados poderán entregar xoguetes en bo estado de conservación no local situado no número 9 da praza Mestre Mateo.

As persoas interesadas en darlle un novo uso a eses obxectos poderán pasar polo mesmo local a retirar aqueles que consideren, ate un máximo tamén de 10 por persoa

Toda a información na seguinte ligazón: Campaña casa dos xoguetes



sábado, 6 de novembro de 2021

MAGOSTO 2021

Despois dos preparativos.....



Un ano máis celebramos ao grande e con moita ilusión o noso magosto.
Castañas asadas con moito agarimo por nais e pais voluntarios e chocolate para todas as nenas e nenos do Emilia.



A Señora María desde Coristanco levoulles persoalmente as castañas a educación infantil.


Un día estupendo.


mércores, 3 de novembro de 2021

CAMPAÑA DE NATACIÓN ESCOLAR 2021/22




Dende a Concelleria de Deportes da Coruña comunican que está aberto o prazo para as inscricións de natación escolar na piscina de Riazor para o alumnado de 3º e 4º de primaria. Son 24 prazas e se asignan por orde de inscrición, polo que rogamos apuredes nas solicitudes.

Tedes que levar:

  • A folla de inscrición cuberta (descarga aquí Folla inscricion )
  • Fotocopia do DNI da crianza ou no seu defecto, do libro de familia
  • Fotocopia dos DNI dos titores, nais ou pais.
  • A cota íntegra de 47,52€ pódese pagar alí mesmo tanto en efectivo coma con tarxeta, e para poder acudir ao palacio de deportes de Riazor hai que pedir cita previa a través do 010, chamando ao concello ou solicitándoa a través de internet (CITA PREVIA).

O PRAZO MÁXIMO DE ENTREGA É O 08-11-2021, comezarían as clases o 15-11-2021.

Máis información: Información do Concello, Información para as familias, Protocolo Covid Riazor









martes, 2 de novembro de 2021

PATINAXE



Estimadas familias:
Tras uns días de busca e negociación con varias entidades, comprácenos comunicarvos que mañá mércores retomaranse as clases de patinaxe con normalidade. A nova entidade que se vai encargar da formación é ADC Alquimia Inline e podedes ver todas as actividades que fan na súa páxina web (web Alquimia). Contan con grande experiencia formadora tanto en colexios como en clubes e un amplo equipo técnico.

 

luns, 1 de novembro de 2021

COLARES DE ZONCHOS


Coa chegada do outono agardamos que vos animedes a seguir a tradición galega é tan arraigada no noso centro: a elaboración de zonchos.

O prazo de presentación e dende o martes 2 de novembro ata o xoves 4 de novembro.

Entregaranse a cada unha das titorías co nome do neno ou nena.

Instrucións para facer os zonchos:

1-Cocer as castañas coa súa casca.

2- Unha vez cocidas e frías ensartámolas con fío e agulla a xeito de colar e adornámolo coma queiramos.

ANIMÁDEVOS A PARTICIPAR!



MAGOSTO 2021


Como  vai facendo, dende hai moitos anos, o noso colexio celebrará o tradicional magosto o próximo venres 5 de agosto.

Nais e pais colaboraremos para que o pasemos moi ben!

Precisamos que cada neno e cada nena traia, polo menos unha ducia de castañas picadas.

Deberán de traelas ao colexio o mércores 3 e o xoves 4 de novembro.




PRAZAS JUDO



 Estimadas familias,
Tras o aumento de prazas na actividade extraescolar de Judo quedan prazas vacantes tanto en infantil como en primaria. Podedes consultalo na seguinte ligazón:

Prescricións e listaxes de agarda




venres, 29 de outubro de 2021

SAMAÍN

  Na páxina web do colexio podedes facer un xogo para aprender sobre a festa de Samaín.

Feliz ponte!



mércores, 27 de outubro de 2021

INCIDENCIA PATINAXE



Coma sabedes, o mestre de patinaxe, comunicou a súa intención de rescindir a colaboración profesional coa nosa cativada.

Ao ser con tan pouco marxe de tempo, non puidemos avisar ás familias, pero garantimos que estiveron pasándoo moi ben con Lucía, a coordinadora de AAEE e estiveron sempre atendidos e vixiados por voluntarias da ANPA como reforzo.


Tanto hoxe coma venres desta semana, na quenda de patinaxe, podemos ofrecer o mesmo. Quen precise conciliar e pasalo moi ben con Lucía, ahí estaremos.
Para a vindeira semana, esperamos poder retomar con normalidade as clases de patinaxe, eso sí, cun novo mestre do que xa vos iremos informando.
Aquí vos dedicamos algunas das obras de arte que fixeron.
Son uns artistas!!

















martes, 26 de outubro de 2021

DOAZÓN



Estimadas familias,

O alumnado da actividade de baloncesto 🏀....
Está de sorte!

Grazas á xenerosa doazón dun particular a nosa ANPA, recibirán esta semana un balón de agasallo para que poidan practicar e gozar do baloncesto.



luns, 25 de outubro de 2021

DEREITOS NON PARCHES

 Baixo a lema a piques de estoupar e con pancartas e globos, reunímonos este luns na Coruña ante o edificio administrativo da Xunta en Monelos.

Reclamamos as carencias de persoal que sufrimos e que afectaban especialmente á atención á diversidade.





luns, 18 de outubro de 2021

ENKI-EQUIPO EMILIA SUBMARIÑA



EQUIPO EMILIA SUBMARIÑA!

Xa queda pouco para a carreira máis divertida e solidaria de Galicia.

A cita será o sábado 23 de outubro en horario de 16:00 a 19:30.

O noso equipo “EMILIA SUBMARIÑA” levará como distintivo unha pañoleta laranxa, pero como somos un grupo moi animado disfrazarémonos de calquera cousa que teña que ver coa fauna mariña.

O punto de encontro será a Praza de María Pita e faremos un percorrido de 2,46 Km.



Poderedes recoller os vosos dorsais o xoves e o venres no Corte Inglés de  Ramon e Cajal nas franxas horarias que elixades nas instrucións que vos mandaron ao adquirir os dorsais.

Selecciona mediante esta ligazón o horario que máis te conveña: https://forms.gle/hjNqtTczHzZWJKph8



Lembrarvos que o uso da máscara que cubra nariz e boca será obrigatorio durante todo o evento. Os menores de 6 anos están exentos así como as persoas que teñan un xustificante que lles exima da súa utilización.

É de obrigado cumprimento a presentación do certificado de vacinación / pasaporte  covid ( CDD-UE, ou o seu equivalente) acreditativo de pauta completa de vacinación. No caso de non telo, un test de  antíxenos ou  PCR con resultado negativo cunha antelación máxima de 48 horas á carreira oficial.
Os nenos menores de 12 ano están exentos de vacunación ou PCR.
Podedes presentalo na recollida do dorsal ou de forma online en: https://forms.gle/VNFPcaSru2DerN9D9. Se tedes máis preguntas non dudes en contactar con ENKI. ¡Escribide  a info@enkiproyecto.com  é vos responderán  o antes posible!

VÉMONOS O SÁBADO!!



domingo, 17 de outubro de 2021

CONCENTRACIÓN 26 DE OUTUBRO

DEREITOS, NON PARCHES

O 29 de setembro, familias de varios centros da Coruña e comarca inzamos as nosas escolas para denunciar a situación na que nos puxo un ano máis a Consellería de Educación ao non dotar do persoal que precisamos para que todo o alumnado con Necesidades Específicas de Apoio Educativo estean atendidas como precisan:.

- No CEIP Valle Inclán de Oleiros cómpre unha persoa de Pedagoxía Terapéutica e mais media xornada de Audición e Linguaxe.

- No CEIP Vila de Rutis e no CEIP Labaca están sen a especialista de Pedagoxía Terapéutica que lles corresponde por catálogo.

- No CEIP Ría do Burgo precisan que a especialista de Audición e Linguaxe volva estar a xornada completa e que se incorpore unha Pedagoga Terapéutica para cubrir as novas necesidades.

- No CEIP A Rabadeira reduciuse unha especialista de Pedagoxía Terapéutica.

Este curso, ademais, varios centros comezaron o curso sen poder ofrecer especialistas de materia e mesmo profesorado titor para todo o seu alumnado, carencia que, ao saturar de traballo ao profesorado que asume esa carga, repercute de novo negativamente na calidade de atención a todo ao alumnado, pero especialmente daquel que máis precisa:

- No CEIP Ramón de la Sagra non teñen persoa titora para un curso.

- No CEIP Emilia Pardo Bazán non hai especialista de Educación Física con horas dispoñibles para atender a todos os cursos.

- No CEIP Sanjurjo de Carricarte falta docente especialista de Lingua Inglesa.

- No CEIP Sagrada Familia non hai especialista de Música con horas dispoñibles.

Eses son só, decerto, algúns dos casos que se están dando neste inicio de curso: os que sabemos que xa foron denunciados e seguen se obter nin resposta nin solución.

Por iso pregámosvos que vos unades á concentración que celebraremos o día 25 de outubro, ás 11.00 da mañá, diante do edificio administrativo de Monelos na Coruña, para que sexa imposible non escoitar e atender ás demandas destes e de todos os centros: poder ofrecer a todo o seu alumnado a educación á que ten dereito.


sábado, 9 de outubro de 2021

MERENDAS SAUDABLES

Comprometidos coa saúde!
Aquí vos deixamos  o plan de merendas que se marca para educación infantil, para que se afagan a comer de todo e sempre é máis fácil se ven aos seus compañeiros.
En primaria é libre pero sempre pode servir de referencia


venres, 8 de outubro de 2021

DÍA MUNDIAL DA SAUDE MENTAL

Para dar visibilidade ao tema da saúde mental, a Fundación Salma, organizou na chaira que hai detrás do aparcamento da Torre de Hércules unha exhibición de voo de cometas.

As familias que queiran, poderán participar coas súas propias cometas. A Fundación Salma tamén distribuirá algunhas e terá unha mesa-taller onde os máis pequenos poderán elaborar as súas propias.

O acto terá lugar de 12:30 a 14:00 h, e estará amenizado polo gaiteiro Santiago Lage.
Convídannos a compartir unha xornada agradable en compañía, e a manifestar, coa súa presenza, a necesidade de mellorar o estado en que se atopa a saúde mental na nosa Comunidade, especialmente no sector de infanto-xuvenil. 



 

xoves, 7 de outubro de 2021

MERGÚLLATE



O Proxecto Documental Integrado (PDI) deste ano  do noso cole, se chama "Mergúllate!".

Estará adicado á investigación sobre diversos aspectos sobre os mares e océanos. Terán especial importancia os Obxectivos de Desenvolvemento Sustentable 2030(ODS2030). O número 14 fai mención directa á vida submarina e á conservación dos mares e océanos e os recursos mariños.Ao longo do curso as nosas crianzas irán coñecendo moitos deles a través de diferentes actividades.

Qué sabemos dos océanos??
Están a buscar unha imaxe ao proxecto para identificar todas as actividades que poidamos facer na colexio. Necesitan das vosas ideas, escollerase o que mellor identifique o tema e os valores de coidado do medio ambiente e respecto pola natureza.
Todas as vosas achegas publicaranse no Blog da biblioteca EPB

Mergulládevos!!


venres, 1 de outubro de 2021

APERTURA BIBLIOTECA EPB

A biblioteca volverá abrir para o alumnado o vindeiro luns 4 de outubro.

Hoxe apareceron nas aulas unhas mochilas vermellas, un misterio da nosa biblioteca ....preguntade a vosas crianzas!!!

Todas as novidades, e como reservar libros  no blogue biblioteca EPB e nas redes sociais



xoves, 30 de setembro de 2021

UN GRAN DIRECTOR

Queridas familias,

Perdemos un dos grandes. 

Deixa un gran legado e unha lembranza imborrable. GRAZAS XOSÉ MANUEL, NOSO ETERNO DIRECTOR. D.E.P.

O despedimos con esta carta que escribiron os seus  compañeiros:



Este curso despedimos como director a alguén que nos regalou compartindo con todos nós, o seu cariño, a súa paciencia e a súa alegría....Este curso 2018/2019, o noso director Xosé Manuel, renuncia ao cargo. Egoístamente sentímolo moito porque a persoa que dirixiu este trasatlántico que é o CEIP Emilia Pardo Bazán deixa a dirección e quedamos un pouco orfos. Gustaríanos que seguira sendo esa luz que con mestría guiounos estés últimos anos. Pero ao mesmo tempo alegrámonos porque agora lonxe das responsabilidades e desgustos da dirección, poderá facer realidade proxectos que seguramente tivo que deixar aparcados no seu momento, é sobre todo, a súa familia poderá gozar da súa presenza sen ter que compartilo con esa moza, sempre existente, que é a dirección dun colexio de máis de 600 alumnos. 


Querido Xosé Manuel, asistiche, primeiro como mestre e logo como director, a implantación de novos métodos pedagóxicos, é novas tecnoloxías, realizando un exercicio constante de innovación, e arrastrando co teu exemplo e axuda, aos máis escépticos e nostálxicos. Ti soubeches ver as novas necesidades, exisencias e imposibilidades da sociedade actual e fuches unha pedra angular no proceso de innovación permanente no que está inmerso o teu colexio, o CEIP Emilia Pardo Bazán.

 




martes, 28 de setembro de 2021

XOVES NEGRO

Dende a AMPA, queremos dar apoio ao movemento do XOVES NEGRO que está facendo a comunidade educativa do noso colexio, polos recortes na ensinanza pública.

Pedimos que levedes ás vosas crianzas vestidas de negro este xoves. Son xestos moi pequenos, pero xuntos podemos conseguir algo moi grande.