sábado, 27 de abril de 2019

Sábado 4 maio 2019: XXIV Día da Ciencia na Rúa

A Asociación de Amigos da Casa das Ciencias convoca anualmente, no Parque de Santa Margarida, da man do estudantado e profesorado de centros educativos, esta mostra co obxectivo de xogar, aprender e participar nunha gran variedade de experiencias científicas, convidando así a espertar a curiosidade pola ciencia.

Máis información

Boletines CC Rosales e CC Labañou e información de campamentos de verán

Achegamos o boletín dos actos previstos para este mes de maio nos centros cívicos do barrio.

Tamén se achega información dos campamentos de verán da nosa concellería cuxo prazo de inscrición comeza eo 4 de maio.

Boletín maio Labañou

Boletín maio Rosales

Tríptico campamentos municipais de día

Tríptico campamentos urbáns

Tríptico campamentos tradicionais

xoves, 25 de abril de 2019

Cambio de Xunta Directiva

Onte, 24 de abril, celebrouse a Asemblea Extraordinaria para ratificar o nomeamento da nova directiva do ANPA. Os cargos quedan así:
  • Eva González Souto - Presidenta
  • Isaac Manuel González Gutiérrez - Vicepresidente
  • Juan José Villar Freire - Secretario
  • Montse López Lores - Tesoureira
  • Catuxa Oviedo Pérez - Vogal
  • Sara  Caínzos Conca - Vogal
  • Sira Aurora González Rodríguez - Vogal

Aos saíntes, grazas por todo. Sobran as palabras para agradecerlles as horas dedicadas sen máis beneficio que o traballo ben feito e o ben común. 

Os membros novos recibimos o listón moi alto e tentaremos polo menos continuar o gran labor que realizaron durante 4 anos os nosos compañeiros. O nivel simplificación na xestión conseguido polas anteriores directivas permitiranos dedicarnos a continuar diversos proxectos que xa coñecedes. Esperamos ademais que algunha idea nova póidase materializar tamén.

A modo de " spoiler", unha das metas novas que nos plantexaremos  o curso que vén será implicar máis a todas as familias nas tarefas da asociación, pedirvos axuda en moitas cuestións do día a día e tentar mellorar a participación e colaboración de todos. Xa vos chegará información nos próximos meses.

Para todos aqueles que non o lestes, volvemos poñer aquí un extracto dunha entrada recente do blogue: 10 conclusións de 4 anos.

Grazas Pablo, Marcelo, Ana e Jacinto. Seguiremos en contacto, porque vos queremos, seguímosvos necesitando e porque xa estades anotados como colaboradores fixos, sentímolo!

luns, 22 de abril de 2019

Publicada a convocatoria dos campamentos de verán 2019

A información sobre a convocatoria desta campaña, así como de cada actividade e instalación xuvenil onde se desenvolverá, atoparase detallada na páxina web http://xuventude.xunta.es/.
Ligazón á publicación no DOG

xoves, 18 de abril de 2019

Sesión ENP o 30 de abril: Trastorno do Espectro do Autismo (TEA)

Sesión: 30/04/2018, 16:00-18:00
Ubicación: SUM (Salón de Usos Múltiples) do colexio de primaria
Inscrición: dispoñible a través da aplicación do ANPA
Servizo de canguros para os nenos: alta a través da aplicación do ANPA.
Poñente
Marina Pérez – Lafuente Moyá (profesora de CEE Bata – Os Mecos)

Contidos
Concienciar e formar ás familias socias coa mellora da Calidade de Vida das persoas con discapacidade intelectual.

Bolsas de comedor do Concello

Remitimos información que nos envía o Concello da Coruña para as bolsas de comedor do próximo curso. O prazo de solicitudes é do 22 de abril ao 6 de maio de 2019.

Programa becas de comedor
Instruccións

Festas das ANPAS 25 de maio en Gandarío

Este ano toca a celebración da III FESTA DAS ANPAS DA ESCOLA PÚBLICA.
Será no albergue de Gandarío o 25 de maio.

Da información que remite Fedapas, mais ou menos a organización é como o ano pasado (non hai porque cambiar o que funcionou ben). O que sí queremos mellorar é a participación dos maiores, pretendemos facer unha xornada de convivencia entre os asociados das ANPAS, as xuntas directivas, AS FAMILIAS, unha xornada de participación que sirva para coñecernos, xogar, bailar, comer xuntos. Pedímosvos que interactuemos cos nosos fillos e fillas e cos monitores, que se encargarán de facer as actividades que vedes abaixo.

Este ano mantemos o torneo de futbol 7 con equipos mixtos (cada ANPA pode inscribir os que consiga facer) formados por 4 pais/nais e 4 nenos/as cada un deles.
Se participades no torneo de fútbol é preciso, por razóns de organización previa, enviade un correo a milnenos@gmail.com indicando o número de adultos e nenos participantes. Se non hai participantes, non habería esa actividade.

E como non, non pode faltar unha Foliada na que pode participar calquera que saiba tocar un instrumento e que estea disposto a tráelo para bailar todos unhas repichocas.
Se vos apetece traer e tocar un instrumento e bailar ao son da música enviade un correo a milnenos@gmail.com indicando o número de participantes.

INSTRUCCIÓNS PARA A INSCRICIÓN

A través de Aplicación do ANPA , NO APARTADO "OTROS SERVICIOS".
Prazo de inscrición: ata o 23 de abril
Deberedes inscribir a cada un dos vosos fillos que vaian a asistir, indicando se ides un ou dous titores.

Cartel da festa
Normas de funcionamento

PLANIFICACIÓN DAS ACTIVIDADES:

10:00 – 10:45 : CHEGADA AO ALBERGUE: RECEPCIÓN DAS FAMILIAS.
11:00 – 14:00: REALIZACIÓN DAS ACTIVIDADES DA PROPOSTA LÚDICA/DEPORTIVA
TORNEO DE FUTBOL EN FAMILIA (POR ANPAS)
14:00 - 15:30: XANTAR
HORARIO DE TARDE:
15:30: REALIZACIÓN DAS ACTIVIDADES DA PROPOSTA LÚDICA/DEPORTIVA
FOLIADA
CAPOEIRA EN FAMILIA
TROTAMÚSICOS
XOGOS MUSICAIS – ZUMBA
E DEMAIS ACTIVIDADES QUE POIDAN XURDIR. SORPRESA!!!
17:30 – 18:00 FESTA DA ESCUMA
18:00: DESPEDIDA E PECHE DA XORNADA

xoves, 4 de abril de 2019

Convocatoria Asemblea Xeral Extraordinaria da ANPA Milnenos

DÍA:  MÉRCORES 24 de abril de 2019
LUGAR: Salón de Usos Múltiples do C.E.I.P. Emilia Pardo Bazán
HORA: 19:00 en primeira convocatoria, 19:15 en segunda convocatoria

ORDE DO DÍA:
1.- Nomeamento da nova directiva do Anpa Milnenos
2.- Rolda de intervencións.

DESPEDIDA INFORMAL: Como a asistencia ás asembleas é case sempre reducida, queremos  aproveitar esta convocatoria para despedir de xeito informal os catro anos que levamos as catro persoas que agora abandonamos o Anpa, que non o colexio nin o barrio... Para ser breves quixemos deixar por escrito 10 conclusións escritas en primeira persoa pero que compartimos todas as persoas que formamos a directiva: 10 Conclusións de 4 anos


Seguir por correo electrónico