sábado, 28 de setembro de 2019

Bolsas/becas de comedor de Jardanay e ANPA Milnenos

Na seguinte ligazón podedes acceder á información das 6 bolsas de comedor que convoca o ANPA Milnenos en colaboración con  Jardanay:
Bases da convocatoria

Supoñerán para as familias beneficiarias ter gratis o importe de comedor todo o curso para algún dos seus fillos/as

martes, 24 de setembro de 2019

Actualizacións de estado nas actividades (24/09/2019)

Actualizamos o estado das inscricións nas actividades extraescolares no que respecta a setembro.

Actividades CANCELADAS de forma definitiva por falta de inscritos
  • Fun English 1 e 2 primaria
  • Percusión
  • Robótica infantil
  • Bádminton 6 infantil e primaria
  • Baile galego
  • Baile moderno 2 a 6 primaria
  • Ioga
  • Musica 1 e 2 primaria
  • Clube de idiomas luns
  • Clube de idiomas mércores
  • Clube de idiomas xoves

Actividades DUDOSAS
  • Fútbol alevín 5 e 6 primaria (3 preinscritos)

Actividades con listas de espera

Outras actividades xa teñen lista de espera, polo que se algunha familia ten claro que vai cancelar algunha inscrición debedes comunicalo canto antes para dar aviso ao seguinte na lista de espera.

Podedes consultar o documento coas listas de espera en actividades coas iniciais de cada alumno, para coñecer o posto que ocupades na mesma:
Listas de espera en actividades


martes, 17 de setembro de 2019

Nota informativa sobre bolsas de comedor 2019-2020

Listaxe provisional:
http://www.coruna.gal/servizossociais/gl/detalle-contido/lista-provisional-de-bolsas-comedor-curso-2019-2020/suceso/1453704377024?argIdioma=gl

As listaxes provisionais publicadas teñen a función de requirir a documentación que falta ou a que sexa aclaratoria para emendar a solicitude. 

Para as solicitudes que aparecen denegadas abrirase un prazo para presentar as alegacións que se consideren por parte das persoas interesadas, coa publicación da segunda listaxe (listaxe predefinitiva). As alegacións que non se presenten neste prazo, non se admitirán por consideraranse fóra de prazo.

No caso de que algunha persoa solicitante queira acceder ao seu expediente e valoración deberá solicitalo mediante escrito presentado no rexistro municipal.

No caso de precisar asesoramento sobre calquera destes trámites poden poñerse en contacto coa educadora social do centro cívico que lle corresponda indicando que se trata dunha consulta sobre as bolsas comedor.

Información adicional sobre os requerimentos de atoparse ao corrente nas obrigas tributarias e coa Seguridade Social.

O requirimento faise cando no certificado acreditativo existe algunha incidencia pola que se incumpren os requisitos da bolsa. Nestes casos as persoas interesadas deben dirixirse aos órganos tributarios correspondentes para solucionar esta situación.

Sobre as obrigacións tributarias co concello, poden solicitar na Oficina de Recadación ( C/ da Franxa, nº 20), un informe de débedas pendentes co fin de coñecer as débedas pendentes de pago (nas mesmas dependencias, pódese solicitar no fraccionamento da débeda, se fose o caso).

Respecto a as obrigacións coa Axencia Tributaria (AEAT) deben acudir ás súas dependencias. En no caso de que non se obteña cita no prazo establecido para a corrección da solicitude de bolsa comedor (do 5 ao 18 de setembro ambos inclusive) poden presentar o resgardo da solicitude de cita previa. Esta solicitude de cita previa non garante por si mesma a resolución favorable da bolsa comedor.

luns, 16 de setembro de 2019

VI Carreira ENKI Galicia (sábado 19 de outubro)

O profesorado e o ANPA do Emilia Pardo Bazán , así coma os representantes da ANPANEE, animanvos a participar na VI Carreira ENKI Galicia
Terá lugar o vindeiro 19 de outubro.

Se vos animades, inscribidevos na seguinte ligazón, poñendo como nome do equipo “Os piratas do Emilia”: http://www.enkiproyecto.com/index.

Iremos contando mais cousas pola web do colexio e o polo blogue do ANPA.

O Emilia é todo un exemplo de integración e inclusión, así que temos que estar na ENKI.
ANIMADEVOS!!!


venres, 13 de setembro de 2019

Inscricións na actividade de Natación escolar (Concello)

Información para as inscricións e os impresos de Natación escolar para 3º e 4º de primaria, actividade xestionada polo Concello e FEDAPAS. Aquí detallámosvos todo o que tedes que facer se estades interesados.

Horario da actividade
Luns de 17:00-17:45
Desde o 01/10/2019 ata o 29/05/2020

Cotas
A cota será un pago único anual de 53.47 € por participante, que inclúe transporte gratuíto para os participantes desde o centro educativo.
A cobranza pasarase por cargo na conta dada de alta na aplicación o día 20 de setembro aproximadamente.

Preinscrición online (obrigatoria)
Prazo de preinscrición: desde o día 13 ás 22:00 ata o 18 de setembro ás 22:00.
As preinscricións débense realizar como sempre online na aplicación do ANPA.
A orde de confirmación de prazas será a rigorosa orde de preinscrición.

Formalización de inscricións (presencial) 
Aos que vos vaiamos confirmando as inscricións debedes imprimir, encher e asinar os impresos que vos facilitaremos por correo electrónico (tamén dispoñibles en papel no local).
Os impresos entregarédelos asinados no local a semana que vén no seu horario habitual (Luns 16:00-17:00 e xoves 09:00-10:00).
Dado que o podedes encher en casa non será necesario que o entregue o asinante.
Non se admitirán inscricións sen realizar previamente a preinscrición online.

O VENRES 19 enviaranse todos os impresos a FEDAPAS E NON SE ADMITIRÁN MÁIS IMPRESOS NO LOCAL.

xoves, 12 de setembro de 2019

Información de ANPANEE (Asociación de Nais e Pais de Alumnos con Necesidades Educativas Especiais)

Procedemos á difusión dunha nova asociación de nova creación ANPANEE (Asociación de Nais e Pais de Alumnos con Necesidades Educativas Especiais) e vos animamos a inscribirvos e colaborar neste proxecto tan interesante e necesario.

Achegamos os folletos informativos e as fichas de inscrición.

Carta de presentación

Ficha de inscrición

venres, 6 de setembro de 2019

Posta en marcha das rutas A.N.C.A.S.

Achegamos a información da posta en marcha do camiño escolar seguro A.N.C.A.S, coa finalidade de que o alumnado poda desfrutar dun camiño á escola saudable e sostible e, como non, en compañía de outros/as nenos/as.

Descargar documento informativo en PDF 




Becas alumnado con NEEs

Información da publicación no BOE:

https://drive.google.com/open?id=0B-wdvITiY1S0NTV1U3dRaWlkMzRUbDRmd1dhOTBiZEs3ajVJ

mércores, 4 de setembro de 2019

Preinscripción Listen and Speak Primaria

Xa está aberta a primeira ronda do prazo de preinscrición do programa Listen and Speak, que como sabedes faise a través da páxina web do Concello.

A inscrición, al igual que outros anos, débese facer de forma online. O prazo da inscripción é do 3 ao 18 de setembro. As prazas adxudicaranse por orde de inscricion.

A páxina web para a inscrición neste programa é a seguinte: https://www.coruna.gal/educacion/es/actualidad/noticias/detalle-noticia/inscripcion-listen-and-speak-primaria-primera-ronda/suceso/1453704150753

A lista de persoas admitidas para a primeira ronda publicaranse na web educativa do Concello o 23 de setembro.

Listaxes provisionais do programa de bolsas de comedor 2019/2020

Hoxe 4 de setembro de 2019, publícanse nas oficinas dos rexistros municipais, taboleiros de anuncios dos centros cívicos municipais, no enderezo web do taboleiro de anuncios e edictos do Concello da Coruña, na páxina web municipal da área dos servizos sociais e no teléfono de información cidadá 010 do Concello da Coruña, as listaxes provisionais de admitidas/os e excluidas/os da convocatoria do Programa de bolsas de comedor do Concello da Coruña para o curso 2019-2020.

Nesta listaxe indícanse as causas de exclusión e concédese un prazo de 10 días hábiles para emendar a documentación as persoas que teñan un requerimento dela  que será do 5 ó 18 de setembro de 2019, ambos os días incluídos.

A información pódese obter na web municipal de servizos sociais (www.coruna.es/serviciossociales), no teléfono 010 de información cidadá e nos centros cívicos municipais.

Seguir por correo electrónico