venres, 29 de xuño de 2018

Exhibicións AAEE fin de curso

Grazas a todos os asistentes ás exhibicións de actividades extraescolares de fin de curso e grazas a todos os monitores polo gran esforzo realizado este ano. ¡Feliz verán a tod@s!











xoves, 21 de xuño de 2018

Boletíns de ocio saudable para xovenes dos centros cívicos

Centro cívico de Rosales

Centro cívico de Labañou

Centro cívico de Pescadores


Listados provisionais de bolsas de comedor

A próxima semana, a partir do día 27 de xuño, a lista provisional de admitidos/as e excluídos/as estará dispoñible para a vosa consulta:
  • Nas oficinas dos rexistros municipais situados na Praza de María Pita, nº 1, no Fórum Metropolitano (Rúa Río de Monelos, nº 1) e no Centro Ágora (Lugar dá Gramela, nº 17).
  •  Nos taboleiros de anuncios dos Centros Cívicos Municipais.
  • Na dirección web do taboleiro de anuncios e edictos do Concello (https://sede.coruna.gob.es/opensiac/action/infopublica?method=enter&edictos=true)
  • Na páxina web municipal da área dos servizos sociais municipais (www.coruna.es/serviciossociales) e No teléfono de información cidadá 010.

Na lista de excluídos/as indicaranse as familias ás que se lle require documentación, as que teñen a documentación completa, e as que teñen a bolsa denegada e o motivo da mesma.

Nos casos de requerimento da documentación, os interesados teñen un prazo máximo de 10 días hábiles para emendar a documentación requirida, advertíndoselle que, no caso de non facelo, teráselle por desistido/a da súa solicitude de bolsa de comedor para o curso 2018/2019.

Si, alguna familia non está de acordo cá denegación,  agora NON  é o momento de presentar alegacións. De presentalas estarían fóra de prazo. O momento de presentalas, será nun prazo de 10 días hábiles posteiores á publicación das listaxes predefinitivas.

venres, 15 de xuño de 2018

Vacantes en campamento

Sobre as vacantes de prazas en campamentos, informámosvos que as 3 primeiras semanas están esgotadas e que nas 3 semanas seguintes a situación actual é a seguinte (partindo de máximo de 45-50 prazas):

    16-20 de xullo: 44 prazas ocupadas
    23-31 de xullo: 42 prazas ocupadas
    3-10 de setembro: 46 prazas ocupadas

O prazo para estas semanas estará aberto ata a semana anterior ao comezo de cada unha das 3 semanas aínda con vacantes (para socios a través da aplicación, para non socios no local ou por  mail)

mércores, 13 de xuño de 2018

Información sobre o peche de actividades extraescolares e exhibicións

As actividades do Concello rematarán o día 31 de maio (non resultando aplicable ao noso centro)

As actividades do Anpa continuarán ata o XOVES 21 DE XUÑO (incluído). O venres 22 non haberá actividades e preparase o colexio azul para o campamento de verán

As exhibicións de CLAUSURA (e partidos de pais/nais contra fillos/as en fútbol e baloncesto) serán nas seguintes datas, no horario habitual da clase:
  • Fútbol Iniciación: luns 18 de 16 a 17 hs
  • Fútbol Benxamín: mércores 20 de xuño, de 16 a 17h
  • Fútbol Alevín: mércores 20 de xuño, de 17 a 18h
  • Baloncesto: Partidos de pais/nais contra fillos/as: todas as categorías, venres 15 de xuño de 16 a 18 hs (BASKET INICIACIÓN de 4 a 5; BASKET BENXAMIN E ALEVIN de 5 a 6)
  • Badminton: pais/nais contra fillos/as, martes 19 de xuño de 16 a 17 hs
  • Ximnasia: Exhibición no pavillón deportivo, o xoves 21 de xuño ás 4:30 (NA PISTA CENTRAL)
  • Patinaxe: luns 18 de xuño de 16:00 a 18:00 para os grupos de luns e mércores 20 de xuño, de 16 a 18 hs para os grupos de Me/Ve
  • Teatro, Música divertida, Baile galego e Pandereta: mércores 20 de xuño no SUM de 16:30 a 17:30 hs
  • Baile moderno: martes 19 de xuño no horario da clase
  • Judo: exhibición o xoves 21 de xuño no patio cuberto de 16:15 a 18:00 hs (16:15 a 17:00 infantil LU/ME e grupo de MA/XO, de 17:15 a 18:00 grupo LU/ME de primaria)
  • Esgrima “Histórica” o mércores 20 de xuño, de 16 a 17 horas na pista exterior
  • Capoeira: Venres 15 de xuño de 4 a 6

martes, 12 de xuño de 2018

Xornada de Portas Abertas do Centro Oceanográfico da Coruña

Será este próximo sábado 16 de xuño no Centro Oceanográfico da Coruña. É unha xornada adicada á divulgación das actividades científicas que alí se realizan e que o público poderá coñecer a través de diferentes obradoiros ao longo do día relacionados co mundo do océano.

Tamén haberá actividades para os nenos, e os concursos de debuxo e de reciclaxe de lixo mariño coa que poderán gañar diversos agasallos. Ademais, haberá agasallos directos para todos os nenos que completen a ruta dos diversos talleres temáticos.


luns, 11 de xuño de 2018

Ciberseguridade no contorno educativo (18 de xuño)

No Centro de Formación e Recursos (CFR) da Coruña vai celebrarse a última sesión da actividade de formación do profesorado “A educación a debate” que, como sabedes, están abertas para nais e pais dado o interese que teñen as temáticas que se tratan.

Esta última sesión será:"CIBERSEGURIDADE NO CONTORNO EDUCATIVO"

Lugar: Salón de Actos no edificio da UNED, r/ Educación, 3
Data e hora: luns 18 de Xuño de 18:30 h a 20:30 h.
Relatores:
  • Victor Salgado Seguín (Pintos & Salgado “Avogados”) Privacidade nas redes sociais 
  • Octavio Sucasas Noval (Aseduc “Educador”): Internet: Anxo ou Demo

sábado, 9 de xuño de 2018

O próximo curso comezará o mércores 12 de setembro

Para 2º ciclo de educación infantil, educación primaria e educación especial.

Máis información na publicación do DOGA.

https://www.xunta.gal/dog/Publicados/2018/20180608/AnuncioG0164-310518-0005_gl.pdf 

xoves, 7 de xuño de 2018

Escola de Verán da OMIC para nenas e nenos de 4 a 10 anos

Dende a Oficina Municipal de Información ó Consumidor/a (OMIC) nos informan dun programa educativo totalmente gratuito que se desenvolverá do 2 ó 30 de Xullo nas Aulas da OMIC (R/ Costa da Palloza, nº8, A Coruña) conformado por actividades lúdicas e educativas arredor do Consumo Responsable.

Haberá dúas quendas de participación do 2 ó e do 16 ó 30 de Xullo. E en cada quenda haberá dous grupos de nenas e nenos (de 4 a 6 anos e de 7 a 10). E o horario será de 9:00 a 13:30.

A preinscrición será do 11 ó 21 de Xuño e o 22 realizarase o sorteo de prazas. Para preinscribirse hai que entrar na páxina www.coruna.es/omic

Para máis información podedes chamar ó 981.189.920 ou escribir un correo electrónico a omic@coruna.es

Descarga da información práctica

Descarga do cartel

martes, 5 de xuño de 2018

Gala de fin de curso do Clube Rítmica Milenium

Comunicamos a celebración da gala de fin de curso do Club e Rítmica Milenium, onde invítase a participar aos alumnos e alumnas da actividade extraescolar de ximnasia rítmica.

Realizarase o domingo 17 de xuño en xornada de tarde.



Seguir por correo electrónico