Saltar ao contido principal

Obras de ampliación

AS OBRAS DE AMPLIACIÓN DO COLEXIO INICIARÁNSE EN BREVE


A Consellería de Cultura e Educación adxudica por preto de 1,7 millóns de euros a ampliación do CEIP Emilia Pardo Bazán e comezará as obras nas próximas semanas
 
A ampliación permitirá dar resposta ás necesidades educativas do barrio coruñés dos Rosales, coa creación de nove aulas, unha sala de usos múltiples, un comedor, unha nova zona de administración e dúas unidades de apoio
 
Mér, 19/02/2014 - 10:26
 
 A Consellería de Cultura e Educación adxudica por preto de 1,7 millóns de euros
 
A Consellería de Cultura, Educación e Ordenación Universitaria acaba de adxudicar a obra de ampliación do CEIP Emilia Pardo Bazán, na Coruña, á UTE Vías y Construcciones S.A. Petrolam A Veiga S.L., por un importe de preto de 1,7 millóns de euros. Tras este trámite, está previsto que as obras comecen nun prazo duns 20 días, en canto se asine o contrato coa empresa adxudicataria. Deste xeito cúmprese co compromiso formalizado diante da comunidade educativa deste centro de dar resposta ás necesidades de escolarización  do coruñés barrio dos Rosales.
A ampliación do centro, que ten un prazo de execución de 9 meses, suporá a construción de nove aulas, unha sala de usos múltiples, comedor e unha nova zona de administración e aulas de apoio. O aulario levantarase nunha parcela anexa ás instalacións actuais, próxima ao paseo marítimo. Os terreos serán cedidos polo Concello da Coruña á Xunta, en virtude do acordo acadado entre ambas administracións tras varios meses de negociacións, no que tamén se contou coas suxestións dos representantes da dirección do CEIP e da asociacións de pais e nais.
De acordo coas necesidades detectadas pola unidade técnica da consellería, as novas instalacións organizaranse nun novo edificio de 1.500 metros cadrados. No andar baixo localizaranse os servizos comúns, como un comedor con capacidade para 300 rapaces, unha sala de usos múltiples e un local para a ANPA, e no primeiro, as nove aulas cos seus correspondentes aseos, dúas unidades de apoio educativo, unha sala de profesores e unha nova zona de administración.

(Noticia publicada no Portal Educativo)

Publicacións populares deste blog

APERTURA PREINCRICIÓNS AAEE, RENOVACIÓN FAMILIAS SOCIAS E COMEDOR 2023/24

  O vindeiro 26 de xullo faremos apertura de inscricións das actividades extraescolares. Coma sempre, a preinscrición será para familias socias e debe facerse a través da aplicación. Non esquezades marcar tamén o seguro e a declaración responsable. Atoparedes toda a información das AAEE ofertadas no noso blog e RRSS con anterioridade a abrir o prazo para poder organizarvos. Coma en anteriores anos, a renovación como familia socia será automática, excepto para o alumnado de sexto que xa promocionou. Neste caso non tedes que facer nada, darásevos de baixa de forma automática. Aquelas familias que, non sendo de 6º, non queiran seguir sendo socias da ANPA, deberán enviar un escrito a milnenos@gmail.com antes do 15 de agosto expresando este desexo. Por favor, revisade a información para asegurarvos de que todos os menores están rexistrados no curso que lles corresponde e os datos de contacto das familias están correctos. A alta en comedor, madrugadores e servizo de cambiadores, farase a tr

ACTIVIDADES EXTRAESCOLARES 2022/23

 APERTURA INSCRICIÓNS 0 26 DE XULLO! Preme en cada actividade e terás máis información ( horarios, ubicación, prazas, prezos) Toda a información na páxina do blog de  actividades extraescolares .

APERTURA INSCRICIÓN COMEDOR 2022/23

O vindeiro día 15 ábrese o prazo para a inscrición en comedor das nosas crianzas e rematará o 30 de agosto.  Tramitarase coma sempre a través da aplicación online de Jardanay , e deberedes utilizar : USUARIO: emilia CONTRASINAL: comedores2022 E como novidade, deberedes introducir o voso número de socio da ANPA (dato que ven reflexado na aplicación, ao lado do nome da familia) Poderedes apuntarvos a mañanceiros, comedor e o novo servizo de cambiadores. Achegamos a información Jardanay  onde ven reflexado o detalle de todos os servizos e custos dos mesmos.