A Comisión Escolar de Alertas determina para mañá martes, 4 de febreiro, a suspensión das actividades no exterior das instalacións dos centros educativos na provincia da Coruña, por un fenómeno de rachas de vento de nivel laranxa. Acordouse a non suspensión da actividade docente.
Por este motivo o alumnado permanecerá no interior dos edificios durante toda a xornada escolar.
Os monitores de actividades extraescolares non realizarán os traslados no exterior do colexio.
Para facilitar a súa realización, o día 4 as actividades de Ximnasia rítmica e Aerozumba serán no Salón de Usos Múltiples do colexio no horario habitual da actividade.
As actividades de baloncesto e hockey terán lugar no pavillón, pero os monitores non se encargarán dos traslados. @s nen@s que necesiten quedar no colexio despois de comedor ou doutras actividades e non poidan ser trasladad@s polas familias, teñen a posibilidade de acodir excepcionalmente ás actividades que se realizan neses horarios no colexio: xogos tradicionais (de 16 a 17) ou artes plásticas (de 17 a 18).