Publicacións

Datas de apertura de inscricións de novos socios, actividades e comedor

Como xa sabedes, este será un novo curso complicado. Por iso, dado que os protocolos de funcionamento aínda non están pechados, atrasamos as datas habituais de inscricións ás que vos indicamos a continuación. Estamos a traballar xa no protocolo do ANPA para adaptarnos aos protocolos do CEIP e das Consellerías. Iremos informando no propio blogue. Datas estimadas. Altas de novos socios: 3 de agosto Inscricións no servizo de comedor: 17 de agosto Inscricións en actividades extraescolares: 17 de agosto Lembrámosvos que este ano a renovación dos actuais socios é automática. Se non queredes que vos renovemos debedes enviar un correo a milnenos@gmail.com avisando antes do 1 de agosto.

Protocolos COVID-19 para o curso 2020/2021

Achegamos a resolución das consellerías de Educación e Sanidade pola que se aproba o protocolo de adaptación ao contexto da COVID-19 para o curso 2020/2021. Protocolo Consellerías (versión 22/07/2020) Protocolo Consellerías (versión 14/07/2020) Achegamos asimesmo a comunicación de CONFAPA-Galicia na que se expoñen as críticas ao mesmo. Comunicado CONFAPA Por parte do ANPA Milnenos, estamos a traballar, xunto coas empresas que xestionan cada servizo, no noso propio protocolo de cara ás actividades extraescolares, comedor e madrugadores, do cal seredes informados puntualmente. Aproveitamos para pedir voluntarios que nos axuden tanto na revisión do protocolo coma nos intercambios de actividades para garantir o seu cumprimento. Se estades interesados en colaborar enviade un correo a milnenos@gmail.com e vos engadiremos ao grupo de traballo. Moito ánimo a tod@s!

¡Apoiemos o comercio local!

Imaxe
Xunto coa Asociación de veciños e veciñas do barrio e o ANPA CEIP de Prácticas A Coruña participamos na campaña de apoio ao comercio local para promover a compra de libros de texto nas librarías do barrio. Queremos as rúas con vida, con comercios abertos e non con locais pechados, porque un barrio con xente nas rúas é un lugar máis seguro para os nosos fillos e fillas e tamén unha cidade máis interesante na que vivir. Apoia o comercio local e compra os libros de texto nas librarías de barrio!

Información sobre renovación e inscricións

Este ano pola situación actual decidimos atrasar a data como mínimo ata o 10 de agosto. Ao longo do mes de xullo enviarase correo coa data de inicio de inscricións, o cadro de actividades e toda a información relacionada. As inscricións e trámites, como o ano pasado, serán online. Simplificación de cotas e trámites de inscrición Tal e como se acordou na Asemblea Xeral Ordinaria do 27 de novembro de 2019, acórdase simplificar as cotas e os trámites nas inscricións. Por iso, - A renovación de socios será automática. As familias que abandonan o colexio porque os seus fillos cursaron 6º este ano non teñen que facer nada, xa os eliminamos da asociación de forma automática tamén. Os únicos que ten que facer algún trámite son aqueles socios que o curso que vén non desexen seguir séndoo. Para iso débennolo comunicar por correo electrónico entre o 1 e o 20 de xullo. A cota de socio é igual que outros anos, 15 euros por todo o curso. - Unifícanse as diferentes modalidade de matrícula...

Novidades e prazos para a solicitude das bolsas de comedores escolares

Dada a publicación da convocatoria durante a vixencia do Estado de Alarma, declarado pola situación de emerxencia sanitaria provocada polo COVID-19, o prazo de 10 días para a presentación da solicitude quedou suspendido, iniciándose agora o vindeiro luns 1 de xuño de 2020. O prazo é de 10 días hábiles, é dicir, do 1 ao 12 de xuño ambos inclusive. En todo caso, se as circunstancias requíreno e para facilitar ao máximo o proceso de solicitude, propoñerase a ampliación do prazo para a súa aprobación pola Xunta de Goberno Local, o que se informará oportunamente polos medios habituais. Os impresos estarán dispoñibles nas oficinas de todos os rexistros municipais, nos centros cívicos municipais, nesta mesma web e en sede electrónica (https://sede.coruna.gob.es) Toda a información na web do concello de A Coruña

Programas de conciliación do verán 2020

A Federación Provincial de ANPAS, conxuntamente co Concello da Coruña, pretende levar a cabo unha proposta de actividades multidisciplinares para este período vacacional. A oferta terá unha estrutura semellante aos Campacoles de edicións anteriores, pero neste caso exclusivamente para as familias (ambos proxenitores ou familias monoparentais) que xustifiquen a necesidade de conciliar , xa que éste é o eixo principal desta proposta. O Colexio Azul do noso CEIP é unha das ubicacións aprobadas para o programa. PREINSCRICIÓN: 27, 28 e 29 de maio.  Toda a información sobre as preinscricións, condicións e quendas está no seguinte PDF. Información completa do programa

Convocatoria para a concesión de becas comedor para o curso escolar 2019/2020

Achegamos a ligazón á publicación da convocatoria e bases reguladoras para a concesión de becas comedor para o curso escolar 2020/2021 https://bop.dicoruna.es/bopportal/publicado/2020/03/20/2020_0000002109.html