Voluntariado para a confección de corazóns solidarios- AECC
O cancro de mama é o tumor máis frecuente entre a poboación feminina. En España diagnostícanse cada ano 26000 novos casos, dos cales aproximadamente un 64% acaban sometidos a unha mastectomía.
O coxín de corazón é de suma importancia para aliviar o sufrimento de pacientes sometidas a cirurxía mamaria, especialmente naquelas pacientes que ademais se lles tivo que extirpar os ganglios linfáticos. O coxín ten forma de corazón, presenta unha fenda pronunciada para que se poida encaixar debaixo do brazo ao lado operado.
Beneficios do uso do coxín:
- Impide que o brazo roce a ferida.
- Sostén o brazo e os músculos do ombreiro.
- Impide que o brazo se inflame por causa das glándulas linfáticas.
- Permite durmir de noite, mesmo sobre o lado operado.
- Diminúe a dor, en caso de tose e/ou esbirro.
Por todos estes motivos desde a ANPA decidimos lanzar esta iniciativa solidaria.
O noso obxectivo é confeccionar un mínimo de 25 coxíns de corazón, un por cada clase, representando así a todo o alumnado do colexio. Estes coxíns serán entregados á Asociación Española contra o Cancro. Ademais de axudar a paliar as molestias tras a operación, levarán unha mensaxe de apoio e solidariedade para que as persoas que os reciban sintan que non están soas.
Aínda estamos a recoller materiais, tanto teas como recheo de coxín ,que poidades ter por casa. É importante que as teas sexan suaves para ofrecer maior comodidade ás persoas que usen os coxíns.
Se estades interesados en participar neste voluntariado, agradecemos moito que nos volvades a confirmar a vosa dispoñibilidade a través do e-mail: milnenos@gmail.com
O patrón necesario para a confección está á vosa disposición en conserxería.
Agradecemos de antemán a voas xenerosidade e o tempo dedicado a este proxecto solidario.