Saltar ao contido principal

Aplicación informática de xestión para o Anpa

A directiva do Anpa Milnenos ten previsto poñer en marcha unha web que inclúa un aplicativo informático "en liña" antes do 1 de xuño para as actuacións para o curso 2016/2017. Deberá incluír os seguintes "contidos/módulos" de acordo cos formularios que emprega actualmente o Anpa e que constan no blogue:

- alta, renovación e baixa de socios/as
- altas, modificacións e baixas en actividades extraescolares
- altas, modificacións e baixas no servizo de comedor
- acceso e modificación de datos persoais dos socios/as
- formulario de queixas e suxestións
- Xeración de listaxes de asistentes a actividades e a comedor
- Xeración de listaxes para cobro mensual de actividades
- Pasarela de pagamento con tarxeta/TPV virtual
- outras melloras

O "contrato" incluirá a programación e posta en funcionamento da web/aplicativo así como o soporte e mantemento durante un período dun ano, prorrogable por outro ano máis. O contrato incluirá a adquisición polo Anpa do código fonte da aplicación

Nesta entrada do blogue actualizaremos os datos necesarios. Para aquelas empresas interesadas poderán dirixirse ao mail milnenos@gmail.com.

Coas empresas interesadas celebraranse reunións previas para dar a información necesaria para presentar unha oferta, coa finalidade última de que o Anpa seleccione a mellor oferta antes do 1 de maio, polo que a empresa disporá aproximadamente dun mes para elaborar o proxecto.

Non se admitirán proxectos que inclúan plantillas non adaptados ás necesidades do Anpa ou que non inclúan no prezo o programa, o aloxamento e o mantemento, sexa pola propia empresa ou subcontratas

Agradeceremos que se poña esta información en coñecemento de posibles interesados

Publicacións populares deste blog

ACTIVIDADES EXTRAESCOLARES 2022/23

 APERTURA INSCRICIÓNS 0 26 DE XULLO! Preme en cada actividade e terás máis información ( horarios, ubicación, prazas, prezos) Toda a información na páxina do blog de  actividades extraescolares .

APERTURA INSCRICIÓN COMEDOR 2022/23

O vindeiro día 15 ábrese o prazo para a inscrición en comedor das nosas crianzas e rematará o 30 de agosto.  Tramitarase coma sempre a través da aplicación online de Jardanay , e deberedes utilizar : USUARIO: emilia CONTRASINAL: comedores2022 E como novidade, deberedes introducir o voso número de socio da ANPA (dato que ven reflexado na aplicación, ao lado do nome da familia) Poderedes apuntarvos a mañanceiros, comedor e o novo servizo de cambiadores. Achegamos a información Jardanay  onde ven reflexado o detalle de todos os servizos e custos dos mesmos.

INSCRICIÓN NOVOS SOCIOS

O próximo xoves 14 de xullo  ábrense  as inscricións para novos socios á Anpa.. Tedes toda a información no apartado de  TRÁMITES do noso blog.