APERTURA PREINCRICIÓNS AAEE, RENOVACIÓN FAMILIAS SOCIAS E COMEDOR 2023/24

Mini Maratón Atlántica 2015

Co obxectivo de impulsar o deporte e os hábitos de vida saudables entre a mocidade coruñesa, o Concello da Coruña, a través da Concellería de Educación, Deportes e Xuventude que dirixe Francisco Mourelo, organiza o próximo 18 de abril o primeiro Mini Maratón Atlántica. As carreiras, cuxa inscrición é gratuíta, forman parte da programación de actividades do Maratón Atlántica Coruña42.

As probas disputaranse na mañá do sábado 18, entre as 11.00 e as 13.30 horas aproximadamente, no novo Paseo do Parrote. Estarán divididas en nove categorías segundo as idades das persoas participantes. Como vén sendo habitual nas carreiras organizadas polo Concello, poderán tomar a saída dende a mocidade menor de 18 anos ata pitufos. Mentres que o primeiro grupo correrá un total de 2.400 metros, os máis pequenos, nacidos dende o 2008 ata o 2015, percorrerán 125 metros e poderán estar acompañados por adultos en casos estritamente necesarios. Desta forma, e grazas a esta iniciativa, os menores tamén poderán participar no seu particular Coruña42.

CATEGORÍAS	ANO DE NACEMENTO
Xuvenil	Nados/as no ano 1998/1999
Cadete	Nados/as no ano 2000/2001
Infantil	Nados/as no ano 2002/2003
Alevín	Nados/as no ano 2004/2005
Benxamín	Nados/as no ano 2006/2007
Pitufos	Nados/as no ano 2008 e posteriores

As inscricións do Mini Maratón Atlántica son gratuítas e efectuaranse, única e exclusivamente, a través da web www.championchipnorte.com. Cada categoría contará cun número de prazas determinado, 100, fóra dos pitufos, que verá ampliada a participación en función do ano de nacemento.

Continuando a liña establecida pola concellería en relación á carreira Coruña10 e que sitúa o deporte como unha ferramenta para a educación e creación de hábitos saudables, convocarase un premio entre os centros escolares para fomentar a participación. O colexio que máis alumnos inscriba no I Mini Maratón Atlánticarecibirá 500 euros en material deportivo.

HORARIO DE REALIZACIÓN E RECOLLIDA DE DORSAIS

O Mini Maratón Atlántica realizarase nun circuíto cerrado no Novo Parrote, e cada categoría tomará a saída noseguinte horario:

CATEGORÍA	HORARIO	DISTANCIA
Xuvenil e cadete feminina	11.00 h	2.400 m aprox.
Xuvenil e cadete masculino	11.20 h	2.400 m aprox.
Infantil feminina	11.40 h	1.600 m aprox
Infantil masculina	11.55 h	1.600 m aprox.
Alevín feminina	12.10 h	800 m aprox.
Alevín masculina	12.20 h	800 m aprox
Benxamín feminina	12.30 h	800 m aprox
Benxamín masculina	12.40 h	800 m aprox.
Pitufos (quendas necesarias)	12.50 h	125 m aprox.

A recollida de dorsais será obrigatoria e realizarase o venres, de 17 a 22 horas en Exporunning, evento que estará situado no Palacio de Exposicións e Congresos Palexco (Peirao de Transatlánticos, s/n, 15003 – A Coruña), e o sábado 18 no Paseo do Parrote ata unha antes do inicio de cada carreira.

A Mini Atlántica premiará a todos e todas as súas participantes coa súa medalla de finisher, da mesma maneira que se fará ao día seguinte, 19 de abril, a todas as persoas participantes que logren finalizar os 42.195 metros, e cruzar a meta de Mª Pita.

Coruña42 é moito máis que un maratón, e a Mini Atlántica xa forma parte do seu programa de actividades.

Pode descargar o regulamento no pé de páxina.

OUTROS CONTIDOS RELACIONADOS

• Regulamento Mini Atlántica C42 (176 KB)