Como xa publicamos hai uns días, no CEIP Emilia Pardo Bazán están actualmente escolarizados máis de 650 alumnos/as de infantil e primaria, dos cales unha alta porcentaxe presenta Necesidades de Apoio Educativo Especiais (NEAEE), con casuísticas moi complexas que afectan ao seu desenvolvemento escolar e persoal. O persoal de apoio que hai actualmente no Centro non é suficiente para as necesidades deste alumnado. O Centro solicitou máis persoal de apoio a tempo completo, pero só concederon unha coidadora a tempo parcial e recortaron o horario dunha especialista de audición e linguaxe.
Imos solicitar ao Xefe territorial de Educación que reciba unha comisión formada por membros da Anpa e pais/nais d@s alumn@s afectad@s. Necesitamos o voso apoio: imos recoller sinaturas no colexio, intentaremos estar ás horas de entrada e saída e tamén teremos o modelo de sinaturas no local o luns de 16 a 17h.
Ademais imos deixar copias na librería Espacio Cultural e noutros negocios do barrio. Tamén podedes imprimir vós mesmos a folla de sinaturas, recoller sinaturas e deixalo no local ou na caixa de correos ou a alguén da Anpa.
Tamén queremos facer unha concentración na porta do edificio de infantil. O xoves día 30 de outubro, ás 9 horas, logo de deixar @s nen@s no cole. Todos coa camiseta verde!! Alí tamén recolleremos sinaturas.
Necesitamos a colaboración de tod@s para facilitar a formación e integración destes nen@s.
Grazas a tod@s!!