Saltar ao contido principal

Comunicado da Federación Provincial de Anpas


COMUNICADO E CONVOCATORIA EN DEFENSA DO ENSINO PÚBLICO.- Federación Provincial de Anpas

Como ven sendo o costume nos últimos anos o inicio de curso leva aparellado a aplicación das medidas derivadas dos brutais recortes no ámbito educativo decretados polo goberno da Xunta de Galicia e do MEC, que están a por en perigo o ensino público, atacando a igualdade de oportunidades e retrocedendo nos avances conseguidos no modelo educativo do noso país, pretendendo con elo trasladarnos a épocas que xa críamos esquecidas.

- Perda importante de profesorado e incremento da temporalidade do mesmo.
- Incremento das taxas de interinidade que pasaron a duplicarse.
- Incremento da afinidade que fai que mais de mil docentes teñan que impartir especialidades que non son as súas
- Supresión das medidas de atención á diversidade, reforzos, desdobres...
- Redución dos profesionais de atención á diversidade
- Peche de 74 unidades de infantil e primaria.
- Supresións de ciclos Formativos de Formación Profesional
- Endurecemento dos requisitos de acceso ás bolsas
- Supresión de axudas para material escolar e creación dun Banco de Libros paralelo ao das ANPAS desbotando irresponsablemente o patrimonio acumulado nos centros.
- Mantemento dos concertos aos centros que segregan por sexo

Ademais a implantación atropelada da LOMCE, que servirá para deteriorar o ensino público en favor dun ensino de elite, ven a agravar un panorama caótico coas seguintes medidas .

- Publicación dos decretos de Primaria e FP Básica xa iniciado o curso
- Descoñecemento da oferta educativa de FP Básica
- Deslocalización da oferta educativa de FP Básica, afectando especialmente aos concellos do rural
- Redución de 500 prazas escolares na FP Básica
- Aumento das rateos
- Cambio indiscriminado e inxustificado dos libros de texto por imperativo da LOMCE

A Federación Provincial de ANPAs, en sesión de xunta directiva celebrada onte, aproba participar da convocatoria realizada pola Plataforma en Defensa do Ensino Público e convida as comunidades escolares da provincia, (familias, profesorado e alumnos), consecuentemente co noso compromiso de  denuncia de calquera intención de destruír un modelo educativo de calidade e convoca unha SEMANA DE DEFENSA DO ENSINO PÚBLICO do 6 ao 10 de outubro na que realizaremos diversas actividades como son os ABRAZOS SOLIDARIOS que se realizarán en diversos centros educativos como símbolo do apoio que a comunidade educativa temos que dar aos receptores dos ataques do goberno contra o ensino. Ademáis dos actos que organicedes a nivel do voso centro, haberá un acto central ao que os convidamos a participar solidariamente cos vosos fillos e fillas e o profesorado:

7 de Outubro - 18 horas  - CEIP Rosalía de Castro, Río Avía, s/n - 15007 A Coruña

Polo que desde a Federación unímonos ao chamamento á sociedade, nais, pais, docentes e alumnado para que participe nestas mobilizacións convocadas pola Plataforma en Defensa do Ensino Público, porque está en xogo a educación do noso país.


XUNTA DIRECTIVA                                                         A Coruña, a 3 de outubro de 2014


Publicacións populares deste blog

ACTIVIDADES EXTRAESCOLARES 2022/23

 APERTURA INSCRICIÓNS 0 26 DE XULLO! Preme en cada actividade e terás máis información ( horarios, ubicación, prazas, prezos) Toda a información na páxina do blog de  actividades extraescolares .

APERTURA INSCRICIÓN COMEDOR 2022/23

O vindeiro día 15 ábrese o prazo para a inscrición en comedor das nosas crianzas e rematará o 30 de agosto.  Tramitarase coma sempre a través da aplicación online de Jardanay , e deberedes utilizar : USUARIO: emilia CONTRASINAL: comedores2022 E como novidade, deberedes introducir o voso número de socio da ANPA (dato que ven reflexado na aplicación, ao lado do nome da familia) Poderedes apuntarvos a mañanceiros, comedor e o novo servizo de cambiadores. Achegamos a información Jardanay  onde ven reflexado o detalle de todos os servizos e custos dos mesmos.

INSCRICIÓN NOVOS SOCIOS

O próximo xoves 14 de xullo  ábrense  as inscricións para novos socios á Anpa.. Tedes toda a información no apartado de  TRÁMITES do noso blog.