Saltar ao contido principal

Cociña nos coles: acto xoves 9 no Centro Cívico de Novo Mesoiro

Cociña nos coles é un grupo de veciños da cidade da Coruña pertencentes á PLATAFORMA POR UNHA ALIMENTACIÓN RESPONSABLE NA ESCOLA e preocupados pola próxima construción dun novo colexio público de educación infantil e Primaria no barrio de Novo Mesoiro (A Coruña) e que NON terá COCIÑA NIN COCIÑEIROS OU COCIÑEIRAS.

Actualmente son 10 os centros educativos da cidade da Coruña e da súa comarca con COCIÑA IN SITU E COCIÑEIROS/AS que participan, en colaboración co GDR Mariñas-Betanzos, nun proxecto de ECOCOMEDORES iniciado fai 3 anos e que comeza a replicarse en outras zonas da provincia da Coruña. Entre outras promove: o consumo diario de verdura de tempada, de proximidade e ecolóxica, favorecendo a economía local, o desenvolvemento rural e a vinculación entre a agricultura local e familias, ou o consumo de pescado fresco e de proximidade.

Pais e nais, mestres e mestras, colectivos veciñais, sindicatos, Anpas, cociñeiros e cociñeiras, ata alcaldes, comparten que a calidade do servizo de comedor está directamente ligada á compra de produtos de proximidade e ó cociñado in situ e non estamos dispostos a perder un dos nosos mellores logros como sociedade.

Precisamos obter apoios de todas aquelas entidades e persoas que pensan que un colexio sen cociña nin cociñeiros/as non é posible e por iso invitámosvos a acompañarnos no acto de presentación desta proposta que terá lugar o próximo xoves 9 de maio ás 16’30h no Centro Cívico de Novo Mesoiro na Coruña.

Tamén vos invitamos a asinar e difundir a nosa petición dirixida á Xunta de Galicia:
https://www.change.org/p/conseller%C3%ADa-de-educaci%C3%B3n-xunta-de-galicia-por-la-construcci%C3%B3n-de-un-nuevo-ceip-de-novo-mesoiro-a-coru%C3%B1a-con-cocina-y-cocineros





Publicacións populares deste blog

ACTIVIDADES EXTRAESCOLARES 2022/23

 APERTURA INSCRICIÓNS 0 26 DE XULLO! Preme en cada actividade e terás máis información ( horarios, ubicación, prazas, prezos) Toda a información na páxina do blog de  actividades extraescolares .

APERTURA INSCRICIÓN COMEDOR 2022/23

O vindeiro día 15 ábrese o prazo para a inscrición en comedor das nosas crianzas e rematará o 30 de agosto.  Tramitarase coma sempre a través da aplicación online de Jardanay , e deberedes utilizar : USUARIO: emilia CONTRASINAL: comedores2022 E como novidade, deberedes introducir o voso número de socio da ANPA (dato que ven reflexado na aplicación, ao lado do nome da familia) Poderedes apuntarvos a mañanceiros, comedor e o novo servizo de cambiadores. Achegamos a información Jardanay  onde ven reflexado o detalle de todos os servizos e custos dos mesmos.

INSCRICIÓN NOVOS SOCIOS

O próximo xoves 14 de xullo  ábrense  as inscricións para novos socios á Anpa.. Tedes toda a información no apartado de  TRÁMITES do noso blog.