Ante o inicio das obras de ampliación do CEIP Emilia Pardo Bazán hai unha nova organización dos espazos dispoñibles para o uso dos membros da comunidade educativa. As entradas e saídas ao centro do alumnado non terán cambio algún, realizándose tal e como se viñan facendo actualmente, se ben o espazo para os desprazamentos quedará reducido notablemente pola instalación dos valados de protección que delimitarán a zona de obras do resto das instalacións.
As pistas polideportivas inferiores, situadas ao carón do paseo marítimo quedarán inutilizadas durante o tempo de execución das obras de ampliación.
O acceso ás dependencias do Polideportivo Municipal de Los Rosales, realizarase ao través da porta situada na pista no recinto escolar fronte á entrada superior do citado polideportivo. Esto afectará ao movemento de alumnado nas sesións de Educación Física e tamén para as Actividades Extraescolares.