Todas aquelas persoas interesadas en participar deben cubrir o formulario de candidatura, que poden descargar nesta LIGAZÓN
Canta máis xente se apunte á directiva, mellor, xa que máis se poden dividir e organizar as múltiples tarefas que levamos a cabo.
Aos cargos mínimos (presidencia, vicepresidencia, secretaría e tesourería) pódenselles unir tantos vogais como sexa necesario, cada persoa realizando tarefas específicas (comedor, actividades, campamentos, relacións co colexio, redes sociais, etc).
Imos actuar de ligazón desde este mesmo momento entre as diferentes familias interesadas para poñervos en contacto e axudarvos a organizarvos para todos os trámites iniciais.
A modo informativo, nestes momentos traballamos con trámites en liña 100%. O manexo básico da ofimática dentro dalgún dos perfís das persoas candidatas fará moito máis sinxelo o traspaso. Usamos fundamentalmente as aplicacións de Google para toda a xestión diaria (Gmail para o correo, Drive para almacenar a documentación e Google Docs para xerar os documentos e follas de cálculo). A contabilidade levámola dentro da aplicación Ampasoft que o integra todo. Os trámites coas administracións facémolos sempre en liña usando o certificado dixital da asociación.
En calquera caso hai un histórico con toda a documentación do que se ven facendo e estaremos ao voso carón para axudarvos e acompañarvos nos primeiros meses de traballo.
Animámosvos a todos a dar o paso e colaborar neste proxecto incrible. Asegurámosvos que merece a pena. Cun pouco de esforzo individual pódense conseguir grandes cousas que nos benefician a todos e especialmente aos que máis nos importan, @s nos@s Milnen@s!
AVISO IMPORTANTE
Se a 30 de setembro non se recibe un mínimo de 7 candidaturas, iniciaranse os trámites para a disolución da ANPA e a cancelación de todos os servizos asociados (madrugadores, comedor, actividades extraescolares, campamentos).