COMEZO DO CURSO (actualizado!!!)

-
Reunión 4º Educación infantil (novos alumnos e alumnas):
http://www.edu.xunta.gal/centros/ceipemiliapardobazancoruna/?q=node/475

O próximo 12 de setembro empezará o curso, e tal e como vos informamos antes das vacacións, o local do Anpa abrirá presencialmente os días 5 e 6 de setembro en horario de 10 a 12 con carácter preferente para informar e realizar os trámites para a inscrición de novos socios/as

Para os demais, lembrade que continúa aberta a posibilidade de renovación en liña e inscrición en actividades, e que para aqueles que non renoven e non se inscriban antes do 8 de setembro, o inicio en actividades non se poderá realizar ata o 1 de outubro (todo iso para garantir o adecuado inicio do curso). 

A partir do 1 de outubro de novo poderanse facer altas en calquera data. 

Publicacións populares deste blog

APERTURA PREINCRICIÓNS AAEE, RENOVACIÓN FAMILIAS SOCIAS E COMEDOR 2023/24

-
  O vindeiro 26 de xullo faremos apertura de inscricións das actividades extraescolares. Coma sempre, a preinscrición será para familias socias e debe facerse a través da aplicación. Non esquezades marcar tamén o seguro e a declaración responsable. Atoparedes toda a información das AAEE ofertadas no noso blog e RRSS con anterioridade a abrir o prazo para poder organizarvos. Coma en anteriores anos, a renovación como familia socia será automática, excepto para o alumnado de sexto que xa promocionou. Neste caso non tedes que facer nada, darásevos de baixa de forma automática. Aquelas familias que, non sendo de 6º, non queiran seguir sendo socias da ANPA, deberán enviar un escrito a milnenos@gmail.com antes do 15 de agosto expresando este desexo. Por favor, revisade a información para asegurarvos de que todos os menores están rexistrados no curso que lles corresponde e os datos de contacto das familias están correctos. A alta en comedor, madrugadores e servizo de cambiadores, farase ...
Read more »

FESTA ENTROIDO 2024

-
Imaxe
O vindeiro venres 9 de febreiro teremos a festa do entroido no pavillón dos Rosais para todas as familias Milnen@s e veciños. Para as familias socias que fagan a solicitude da invitación a través da aplicación, a entrada será de 1€ por adulto e de 0,50€ para a cativada. Terán que ensinala na entrada do recinto. Se non se ensina e para familias non socias, o prezo será de 2€ por adulto e 1€ por neno ou nena. (É obrigatorio que a cativada estea acompañada dunha persoa adulta. Unha persoa pode estar ao cargo de varios nenos e nenas). As entradas mercaranse directamente alí, no pavillón. Está totalmente prohibido comer e beber dentro do recinto. Serviremos chocolate e biscoito nunhas mesas que habilitaremos fora do pavillón. Non está permitida a entrada ao recinto sen calzado deportivo. Esperámosvos
Read more »